Read Papantla Totonac Genesis 5 Bible Online

Genesis 5 - Papantla Totonac bible

Genesis 5

¹Esaki ta e buki di e generashonnan di Adam. E dia ku Dios a krea hende, El a trah'e segun semehansa di Dios.

²El a krea nan homber i muhe, i El a bendishona nan i a yama nan Hende dia ku nan a wordu krea.

³Tempu ku Adam tabatin 130 ana, el a engendra un yu homber segun su mes semehansa, konforme su imagen, i a dun'e e nomber Set.

⁴Anto e dianan di Adam, despues ku el a engendra Set, tabata 800 ana, i el a engendra mas yu homber i yu muhe.

⁵Asina tur e dianan ku Adam a biba tabata 930 ana, i el a muri.

⁶I tempu ku Set tabatin 105 ana, el a engendra Enos.

⁷Anto Set a biba 807 ana despues ku el a engendra Enos, i e tabatin mas yu homber i yu muhe.

⁸Asina tur e dianan di Set tabata 912 ana, i el a muri.

⁹I tempu ku Enos tabatin 90 ana, el a engendra Kainan.

¹⁰Anto Enos a biba 815 ana despues ku el a engendra Kainan, i e tabatin mas yu homber i yu muhe.

¹¹Asina tur e dianan di Enos tabata 905 ana, i el a muri.

¹²I tempu ku Kainan tabatin 70 ana, el a engendra Mahalaleel.

¹³Anto Kainan a biba 840 ana despues ku el a engendra Mahalaleel, i e tabatin mas yu homber i yu muhe.

¹⁴Asina tur e dianan di Kainan tabata 910 ana, i el a muri.

¹⁵I tempu ku Mahalaleel tabatin 65 ana, el a engendra Jared.

¹⁶Anto Mahalaleel a biba 830 ana despues ku el a engendra Jared, i e tabatin mas yu homber i yu muhe.

¹⁷Asina tur e dianan di Mahalaleel tabata 895 ana, i el a muri.

¹⁸I tempu ku Jared tabatin 162 ana, el a engendra Enok.

¹⁹Anto Jared a biba 800 ana despues ku el a engendra Enok, i e tabatin mas yu homber i yu muhe.

²⁰Asina tur e dianan di Jared tabata 962 ana, i el a muri.

²¹I tempu ku Enok tabatin 65 ana, el a engendra Matusalen.

²²Anto Enok a kana 300 ana ku Dios despues ku el a engendra Matusalen, i e tabatin mas yu homber i yu muhe.

²³Asina tur e dianan di Enok tabata 365 ana.

²⁴I Enok a kana ku Dios, i e no tabat'ei mas, pasobra Dios a tum'e.

²⁵I tempu ku Matusalen tabatin 187 ana, el a engendra Lamek.

²⁶Anto Matusalen a biba 782 ana despues ku el a engendra Lamek, i e tabatin mas yu homber i yu muhe.

²⁷Asina tur e dianan di Matusalen tabata 969 ana, i el a muri.

²⁸I tempu ku Lamek tabatin 182 ana, el a engendra un yu homber.

²⁹Anto el a dun'e e nomber Noe, bisando: "Esun aki lo konsola nos den nos labor i den e trabou duru di nos mannan, pa motibu di e tera ku SENOR a maldishona."

³⁰Anto Lamek a biba 595 ana despues ku el a engendra Noe, i e tabatin mas yu homber i yu muhe.

³¹Asina tur e dianan di Lamek tabata 777 ana, i el a muri.

³²I Noe tabatin 500 ana, i Noe a engendra Sem, Kam i Jafet.