Read Papantla Totonac 1 Kronikanan 20 Bible Online

1 Kronikanan 20 - Papantla Totonac bible

1 Kronikanan 20

¹Anto a sosode ku na kuminsamentu di ana, na e tempu ku reinan ta bai bataya, Joab a guia e ehersito, a destrui e tera di e yu hombernan di Amon, i a bin rondona Raba. Ma David a keda Jerusalem. I Joab a derota Raba i a destruie.

²I David a kita e korona di nan rei for di su kabes, i a resulta ku esaki tabata pisa un talento di oro i ku tabatin un piedra presioso na dje; i el a wordu poni riba David su kabes. I el a saka e botin for di e stat, un kantidat masha grandi mes.

³I el a saka e hendenan ku tabata den dje, i a korta nan ku zag, ku herment skerpi i ku hacha. I asina David a hasi ku tur e statnan di e yu hombernan di Amon. E ora ei David i henter e pueblo a bolbe Jerusalem.

⁴Awor a sosode ku despues di esaki guera a kuminsa na Gezer kontra e filisteonan; anto Sibekai e husatita a mata Sipai, un di e desendientenan di e gigantenan, i nan a wordu someti.

⁵I tabatin guera kontra e filisteonan atrobe, i Elhanan, yu homber di Jair, a mata Lahmi, ruman homber di Goliat e geteo, kende su kabo di lansa tabata manera balki di un wefdo-di-tela.

⁶I tabatin guera atrobe na Gat, kaminda tabatin un homber di gran estatura ku tabatin bint'i kuater dede di man i di pia, seis dede na kada man i seis dede na kada pia; i e tambe tabata desendiente di e gigantenan.

⁷I ora ku el a desafia Israel, Jonatan, yu homber di Simea, David su ruman homber, a mat'e.

⁸Esakinan tabata desendiente di e gigantenan na Gat, i nan a muri na man di David i na man di su sirbidonan.