Read Papantla Totonac 1 Kronikanan 24 Bible Online

1 Kronikanan 24 - Papantla Totonac bible

1 Kronikanan 24

¹Awor e divishonnan di e desendientenan di Aaron tabata esakinan: e yu hombernan di Aaron tabata Nadab, Abiu, Eleazar i Itamar.

²Ma Nadab i Abiu a muri prome ku nan tata i nan no tabatin yu homber. Asina Eleazar i Itamar tabata sirbi komo saserdote.

³Anto David ku Sadok di e yu hombernan di Eleazar, i Ahimelek di e yu hombernan di Itamar, a parti nan segun nan puesto pa nan sirbishi.

⁴Komo ku tabatin mas hombernan lider for di e desendientenan di Eleazar ku for di e desendientenan di Itamar, nan a parti nan asin'aki: dieseis kabes di e kasnan di e tatanan di e desendientenan di Eleazar i ocho di e desendientenan di Itamar, segun e kasnan di nan tatanan.

⁵Asina nan a wordu dividi pa medio di lot, tantu esun grupo komo e otro; pasobra tabatin ofisialnan di e santuario i ofisialnan di Dios, tantu for di e desendientenan di Eleazar komo for di e desendientenan di Itamar.

⁶I Semaias, yu homber di Natanael e eskriba, un di e levitanan, a registra nan den e presensia di rei, e prensnan, saserdote Sadok, Ahimelek, yu homber di Abiatar, i e kabesnan di e kasnan di e tatanan di e saserdotenan i di e levitanan; kas di un tata tuma pa Eleazar i un tuma pa Itamar.

⁷Awor e prome lot a kai riba Joiarib, e di dos riba Jedaias,

⁸e di tres riba Harim, e di kuater riba Seorim,

⁹e di sinku riba Malkias, e di seis riba Mijamin,

¹⁰e di shete riba Hakos, e di ocho riba Abias,

¹¹e di nuebe riba Jesua, e di dies riba Sekanias,

¹²e di diesun riba Eliasib, e di diesdos riba Jakim,

¹³e di diestres riba Hupa, e di dieskuater riba Jesebeab,

¹⁴e di diesinku riba Bilga, e di dieseis riba Imer,

¹⁵e di dieshete riba Hezir, e di diesocho riba Hapizez,

¹⁶e di diesnuebe riba Petaias, e di binti riba Jezekiel,

¹⁷e di bint'i un riba Jakin, e di bint'i dos riba Gamul,

¹⁸e di bint'i tres riba Delaia, e di bint'i kuater riba Maazias.

¹⁹Esakinan tabata nan puestonan pa nan sirbishi, dia nan a drenta e kas di SENOR konforme e ordenansa ku nan tata Aaron a duna nan, meskos ku e SENOR Dios di Israel a orden'e.

²⁰Awor pa loke ta e otro yu hombernan di Levi: di e yu hombernan di Amram: Subael; di e yu hombernan di Subael: Jehedias.

²¹Di Rehabias: di e yu hombernan di Rehabias: Isias, e prome.

²²Di e izharitanan: Selomot; di e yu hombernan di Selomot: Jahat.