Read Papantla Totonac 1 Kronikanan 26 Bible Online

1 Kronikanan 26 - Papantla Totonac bible

1 Kronikanan 26

¹Pa e divishonnan di e wardadonan-di-porta tabatin di e koreitanan: Meselemias, yu homber di Kore, di e yu hombernan di Asaf.

²I Meselemias tabatin yu hombernan: Zakarias, e primogenito; Jediael, e di dos; Zebadias, e di tres; Jatniel, e di kuater;

³Elam, e di sinku; Johanan, e di seis; Elioenai, e di shete.

⁴I Obed-edom tabatin yu hombernan: Semaias, e primogenito; Jozabad, e di dos; Joa, e di tres; Sakar, e di kuater; Natanael, e di sinku;

⁵Amiel, e di seis; Isakar, e di shete; i Peultai, e di ocho; Dios a bendishon'e di berdat.

⁶Tambe pa su yu homber Semaias a nase yu hombeman ku tabata goberna riba e kas di nan tata, pasobra nan tabata hombernan poderoso i balente.

⁷E yu hombernan di Semaias tabata Otni, Rafael, Obed i Elzabad, kende su ruman hombernan Eliu i Samakias tabata hombernan balente.

⁸Tur esakinan tabata di e yu hombernan di Obed-edom; nan i nan yu hombernan i nan rumannan tabata hombernan kapas i fuerte pa e sirbishi, 62 for di Obed-edom.

⁹I Meselemias tabatin yu hombernan i rumannan, 18 homber balente.

¹⁰Tambe Hosa, un di e yu hombernan di Merari, tabatin yu hombernan: Simri, e prome; (ounke ku e no tabata e primogenito, su tata a hasie e prome);

¹¹Hilkias, e di dos; Tebalias, e di tres; Zakarias, e di kuater; na tur, e yu hombernan i e rumannan di Hosa tabata 13.

¹²Na e divishonnan aki di e wardadonan-di-porta, e hombernan lider, a wordu duna responsabilidatnan meskos ku nan rumannan, pa sirbi den e kas di SENOR.

¹³Nan a tira lot, tantu chikitu komo grandi, segun e kasnan di nan tatanan, pa kada porta di stat.

¹⁴I e lot pa e porta pariba a kai riba Selemias. Despues nan a tira lot pa su yu homber Zakarias, un konsehero ku disernimentu, i su lot a kai pa esun panort.

¹⁵Pa Obed-edom, e lot a kai pa e Porta Pasuit, i pa su yu hombernan, e mangasina.

¹⁶Pa Supim i Hosa e lot a kai pa e Porta Pabou, banda di e Porta di Saleket, na e subida di e kaminda grandi--guardia enfrente di guardia.

¹⁷Parti pariba tabatin seis levita, parti panort kuater tur dia, parti pasuit kuater tur dia, i na e mangasina dos-dos.

¹⁸Na e plenchi parti pabou tabatin kuater na e kaminda grandi i dos na e plenchi.

¹⁹Esakinan tabata e divishonnan di e wardadonan-di-porta di e yu hombernan di Kore i di e yu hombernan di Merari.

²⁰I e levitanan, nan rumannan, tabata enkarga ku e tesoronan di e kas di Dios i ku e tesoronan di e kosnan dedika.

²¹E yu hombernan di Laadan, e yu hombernan di e gersonitanan ku ta pertenese na Laadan, esta, e jehielitanan, tabata e kabesnan di e kasnan di e tatanan, ku ta pertenese na Laadan e gersonita.

²²E yu hombernan di Jehieli, Zetam i su ruman homber Joel, tabatin enkargo di e tesoronan di e kas di SENOR.

²³Pa loke ta e amramitanan, e izharitanan, e hebronitanan i e uzielitanan:

²⁴Sebuel, yu homber di Gerson, yu homber di Moises, tabata e ofisial enkarga ku e tesoronan.

²⁵I su rumannan di e desendensia di Eliezer tabata su yu homber, Rehabias; Rehabias su yu homber, Jesaias; Jesaias su yu homber, Joram; Joram su yu homber, Zikri, i Zikri su yu homber, Selomit.

²⁶E Selomit aki i su rumannan tabatin enkargo di tur e tesoronan di e kosnan dedika, ku rei David i e kabesnan di e kasnan di e tatanan, e komandantenan di milnan i shennan, i komandantenan di e ehersito, a dedika.

²⁷Nan a dedika parti di e botin ku nan a gana den batayanan pa drecha e kas di SENOR.

²⁸I tur kos ku Samuel, e mirado, i Saul, yu homber di Kis, i Abner, yu homber di Ner, i Joab, yu homber di Sarvia, a dedika, i tur otro kos ku a wordu dedika, tabata na enkargo di Selomit i su rumannan.

²⁹I pa loke ta e izharitanan, Kenanias i su yu hombernan a wordu nombra pa atende e responsabilidatnan pafo di Jerusalem, komo ofisialnan i huesnan di Israel.

³⁰Pa loke ta e hebronitanan, Hasabias i su rumannan, mil shete shen homber kapas, tabatin enkargo di e asuntonan di Israel pabou di Jordan, pa tur e obra di SENOR i e sirbishi di rei.

³¹Entre e hebronitanan, Jerias tabata hefe di e hebronitanan segun genealogia di e kasnan di nan tatanan. Den e di kuarenta ana di David su reinado nan a wordu investiga, i hombernan di gran kapasidat a wordu hana meimei di nan na Jazer di Galaad.

³²I su rumannan, hombernan kapasita, tabata dos mil shete shen, kabesnan di e kasnan di e tatanan. I rei David a nombra nan riba e rubenitanan, e gaditanan i e mitar tribu di Manases, enkuanto tur e asuntonan di Dios i di rei.