Read Papantla Totonac 1 Kronikanan 27 Bible Online

1 Kronikanan 27 - Papantla Totonac bible

1 Kronikanan 27

¹Awor esaki ta e kantidat di e yunan di Israel, e kabesnan di e kasnan di e tatanan, komandantenan di milnan i di shennan, i nan ofisialnan ku tabata sirbi rei den tur e asuntonan di e divishonnan ku tabata drenta i sali luna tras luna durante di tur e lunanan di ana; kada divishon tabatin 24.000 homber.

²Jasobeam, yu homber di Zabdiel, tabatin enkargo di e prome divishon pa e prome luna; i den su divishon tabatin 24.000 homber.

³E tabata di e yu hombernan di Fares, i tabata hefe di tur e komandantenan di e ehersito pa e prome luna.

⁴Dodai e ahohita, i su divishon tabatin enkargo di e divishon pa e di dos luna, i Miklot tabata e lider; i den su divishon tabatin 24.000 homber.

⁵E di tres komandante di e ehersito pa e di tres luna tabata Benaia, yu homber di saserdote Joiada, komo hefe; i den su divishon tabatin 24.000 homber.

⁶E Benaia aki tabata e homber poderoso di e trintanan, i e tabatin enkargo di trinta; i su yu homber Amizabad tabata manda riba su divishon.

⁷E di kuater pa e di kuater luna tabata Asael, ruman homber di Joab, i su yu homber Zebadias despues di dje; i den su divishon tabatin 24.000 homber.

⁸E di sinku pa e di sinku luna tabata komandante Samhut e izraita; i den su divishon tabatin 24.000 homber.

⁹E di seis pa e di seis luna tabata Ira, yu homber di Ikes e tekoita; i den su divishon tabatin 24.000 homber.

¹⁰E di shete pa e di shete luna tabata Heles e pelonita, di e yu hombernan di Efrain; i den su divishon tabatin homber.

¹¹E di ocho pa e di ocho luna tabata Sibekai e husatita, di e zeraitanan; i den su divishon tabatin 24.000 homber.

¹²E di nuebe pa e di nuebe luna tabata Abiezer e anatotita, di e benjaminitanan; i den su divishon tabatin

¹³E di dies pa e di dies luna tabata Maharai e netofatita, di e zeraitanan; i den su divishon tabatin 24.000 homber.

¹⁴E di diesun pa e di diesun luna tabata Benaia e piratonita, di e yu hombernan di Efrain; i den su divishon tabatin 24.000 homber.

¹⁵E di diesdos pa e di diesdos luna tabata Heldai e netofatita, di Otoniel; i den su divishon tabatin 24.000 homber.

¹⁶Awor esnan enkarga ku e tribunan di Israel: e ofisial di e rubenitanan tabata Eliezer, yu homber di Zikri; di e simeonitanan: Sefatias, yu homber di Maaka;

¹⁷di Levi: Hasabias, yu homber di Kemuel; di Aaron: Sadok;

¹⁸di Juda: Eliu, un di David su ruman hombernan; di Isakar: Omri, yu homber di Mikael;

¹⁹di Zabulon: Ismaias, yu homber di Abdias; di Neftali: Jerimot, yu homber di Azriel;

²⁰di e yu hombernan di Efrain: Hosea, yu homber di Azazias; di e mitar tribu di Manases: Joel, yu homber di Pedaias;

²¹di e mitar tribu di Manases na Galaad: Ido, yu homber di Zakarias; di Benjamin: Jaasiel, yu homber di Abner;

²²di Dan: Azareel, yu homber di Jeroham. Esakinan tabata e prensnan di e tribunan di Israel.

²³Ma David no a konta esnan di binti ana di edat bai abou, pasobra SENOR a bisa ku E lo multiplika Israel manera e streanan di shelu.

²⁴Joab, yu homber di Sarvia, a kuminsa konta nan, ma no a kaba; i pa motibu di esaki furia a bin riba Israel, i e kantidat no tabata inklui den e registro di e kronikanan di rei David.

²⁵Awor Azmavet, yu homber di Adiel, tabatin rei su luganan-di-warda-tesoro na su enkargo. I Jonatan, yu homber di Uzias, tabatin e depositonan den kunuku, den e statnan, den e pueblitonan i den e torennan na su enkargo.

²⁶I Ezri, yu homber di Kelub, tabatin e trahadonan ku tabata kultiva e tera na su enkargo.

²⁷I Simei e ramatita tabatin e kunukunan di wendruif na su enkargo. I Zabdi e sifmita tabatin e produktonan di e kunukunan di wendruif den e bodeganan di bina na su enkargo.

²⁸I Baal-hanan e gederita tabatin e palunan di oleifi i di sikamor den e vayenan na su enkargo. I Joas tabatin e depositonan di zeta na su enkargo.

²⁹I Sitrai e saronita tabatin e bestianan di kria ku tabata kome yerba na Saron na su enkargo. I Safat, yu homber di Adlai, tabatin e bestianan di kria den e vayenan na su enkargo.

³⁰I Obil e ismaelita tabatin e kamelnan na su enkargo. I Jehedias e meronotita tabatin e burikunan na su enkargo.

³¹I Jaziz e hagareno tabatin e tounan di bestia chikitu na su enkargo. Tur esakinan tabata atministradonan di e propiedat ku tabata pertenese na rei David.

³²Tambe Jonatan, David su tio, tabata un konsehero, un homber di komprendementu i un eskriba; i Jehiel, yu homber di Hakmoni, tabata ku e yu hombernan di rei.

³³I Ahitofel tabata konsehero di rei; i Husai e arkita tabata rei su amigu.

³⁴I Joiada, yu homber di Benaia, i Abiatar a sigui Ahitofel. I Joab tabata komandante di rei su ehersito.