Read Papantla Totonac 1 Kronikanan 4 Bible Online

1 Kronikanan 4 - Papantla Totonac bible

1 Kronikanan 4

¹E yu hombernan di Juda tabata Fares, Hezron, Karmi, Hur i Sobal.

²I Reaia, yu homber di Sobal, a engendra Jahat, i Jahat a engendra Ahumai i Lahad. Esakinan tabata e famianan di e zoratitanan.

³I esakinan tabata e yu hombernan di Etam: Jezreel, Isma i Idbas; i nomber di nan ruman muhe tabata Haze-lelponi.

⁴I Penuel tabata tata di Gedor, i Ezer tabata tata di Husa. Esakinan tabata e yu hombernan di Hur, e primogenito di Efrata, tata di Betlehem.

⁵I Asur, tata di Tekoa, tabatin dos esposa, Hela i Naara.

⁶I Naara a hana Ahuzam, Hefer, Temeni i Ahastari p'e. Esakinan tabata e yu hombernan di Naara.

⁷I e yu hombernan di Hela tabata Zeret, Jezoar i Etnan.

⁸I Kos a engendra Anub i Zobeba i e famianan di Aharhel, yu homber di Harum.

⁹I Jabes tabata mas onorabel ku su ruman hombernan, i su mama a yam'e Jabes, bisando: "Pasobra ta ku dolo mi a han'e."

¹⁰Awor Jabes a invoka e Dios di Israel, bisando: "O ku Abo lo a bendishonami di berdat i hasi mi teritorio mas grandi, i ku Bo man lo ta ku mi, i ku Abo lo a wardami di malu, pa pena no tokami!" I Dios a dun'e loke ku el a pidi.

¹¹I Kelub, ruman homber di Sua, a engendra Mehir, kende tabata tata di Eston.

¹²I Eston a engendra Bet-rafa i Paseah i Tehina, tata di Ir-nahas. Esakinan ta e hombernan di Reka.

¹³Awor e yu hombernan di Kenaz tabata Otoniel i Seraias. I e yu homber di Otoniel tabata Hatat.

¹⁴I Meonotai a engendra Ofra, i Seraias a engendra Joab, tata di e habitantenan di e vaye di Karisim, pasobra nan tabata artesano.

¹⁵I e yu hombernan di Kaleb, yu homber di Jefone, tabata Iru, Ela i Naam; i e yu homber di Ela tabata Kenaz.

¹⁶I e yu hombernan di Jehalelel tabata Zif i Zifa, Tirias i Asareel.

¹⁷I e yu hombernan di Esdras tabata Jeter, Mered, Efer i Jalon. I esakinan ta e yu hombernan di Bitia, yu muhe di Farao, ku kende Mered a kasa. I Bitia a konsebi i a hana Miriam, Samai i Isba, tata di Estemoa.

¹⁸I su esposa hudiu a hana Jered, tata di Gedor, i Heber, tata di Soko, i Jekutiel, tata di Zanoa.

¹⁹I e yu hombernan di Hodias su esposa, ruman muhe di Naham, tabata tata di Keila e garmita, i Estemoa e maakatita.

²⁰I e yu hombernan di Simon tabata Amnon i Rina, Ben-hanan i Tilon. I e yu hombernan di Isi tabata Zohet i Ben-zohet.

²¹E yu hombernan di Sela, yu homber di Juda, tabata Er, tata di Leka, i Laada, tata di Maresa, i e famianan di esnan ku tabata traha lino fini na Bet-asbea;

²²i Jokim, e hombernan di Kozeba, Joas i Saraf, kendenan tabata goberna na Moab, i Jasubi-lehem. I e registronan aki ta antiguo.

²³Esakinan tabata e alfareronan i e habitantenan di Netaim i Gedera; nan tabata biba ayanan serka rei, den su sirbishi.

²⁴E yu hombernan di Simeon tabata Nemuel i Jamin, Jarib, Zera, Saul;

²⁵Saul su yu homber, Salum, Salum su yu homber, Mibsam; Mibsam su yu homber, Misma.

²⁶I e yu hombernan di Misma tabata: su yu homber, Hamuel; Hamuel su yu homber, Zakur; Zakur su yu homber, Simei.

²⁷Awor Simei tabatin dieseis yu homber i seis yu muhe; ma su ruman hombernan no tabatin hopi yu homber; tampoko ningun di nan famianan no a multiplika tantu asina manera e yu hombernan di Juda.

²⁸I nan tabata biba na Beerseba, Molada i Hazar-sual,

²⁹na Bilha, Ezem, Tolad,

³⁰Betuel, Horma, Siklag,

³¹Bet-markabot, Hazar-susim, Bet-birai i Saaraim. Esakinan tabata nan statnan te na e reinado di David.

³²I nan pueblitonan tabata Etam, Ain, Rimon, Token i Asan, sinku stat--

³³i tur nan pueblitonan ku tabata ront di e statnan aki te na Baal. Esakinan tabata nan luganan di biba, i nan tin nan genealogia.

³⁴I Mesobab i Jamlek i Josa, yu homber di Amasias,

³⁵i Joel i Jehu, yu homber di Josibias, yu homber di Seraias, yu homber di Asiel,

³⁶i Elioenai, Jaakoba, Jesohaia, Asaias, Adiel, Jesimiel, Benaia,

³⁷Ziza, yu homber di Sifi, yu homber di Alon, yu homber di Jedaias, yu homber di Simri, yu homber di Semaias.

³⁸E hombernan aki, menshona na nan nomber, tabata lidernan di nan famianan; i e kasnan di nan tatanan tabata multiplika na gran manera.

³⁹I nan a bai na e entrada di Gedor, na e banda pariba di e vaye, pa buska luga di yerba berde pa nan tounan di bestia chikitu.

⁴⁰I nan a hana un luga di yerba berde riku i bon, i e tera tabata espasioso, ketu i trankil; pasobra esnan ku tabata biba ayanan antes tabata hamitanan.

⁴¹I esakinan, registra na nan nomber, a bin den e dianan di Ezekias, rei di Juda, i a destrui nan tentnan i e meunitanan ku tabata ayanan, i a destrui nan kompletamente te dia djawe, i a bai biba na nan luga, pasobra tabatin luga di yerba berde pa nan tounan di bestia chikitu.

⁴²I for di nan, for di e yu hombernan di Simeon, sinku shen homber a bai Seru Seir, huntu ku Pelatias, Nearias, Refaias i Uziel, yu hombernan di Isi, komo nan lidernan.

⁴³I nan a destrui e restante di e amalekitanan ku a skapa, i a keda biba ayanan te dia djawe.