Read Papantla Totonac 1 Kronikanan 6 Bible Online

1 Kronikanan 6 - Papantla Totonac bible

1 Kronikanan 6

¹E yu hombernan di Levi tabata Gerson, Koat i Merari.

²I e yu hombernan di Koat tabata Amram, Izhar, Hebron i Uziel.

³I e yunan di Amram tabata Aaron, Moises i Miriam. I e yu hombernan di Aaron tabata Nadab, Abiu, Eleazar i Itamar.

⁴Eleazar a engendra Finees, i Finees a engendra Abisua,

⁵i Abisua a engendra Buki, i Buki a engendra Uzi,

⁶i Uzi a engendra Zeraias, i Zeraias a engendra Meraiot,

⁷Meraiot a engendra Amarias, i Amarias a engendra Ahitob,

⁸i Ahitob a engendra Sadok, i Sadok a engendra Ahimaas,

⁹i Ahimaas a engendra Azarias, i Azarias a engendra Johanan,

¹⁰i Johanan a engendra Azarias (ta e a sirbi komo saserdote den e kas ku Salomon a traha na Jerusalem),

¹¹i Azarias a engendra Amarias, i Amarias a engendra Ahitob,

¹²i Ahitob a engendra Sadok, i Sadok a engendra Salum,

¹³i Salum a engendra Hilkias, i Hilkias a engendra Azarias,

¹⁴i Azarias a engendra Seraias, i Seraias a engendra Josadak;

¹⁵i Josadak a bai den eksilio dia ku SENOR a hiba Juda i Jerusalem den eksilio pa medio di man di Nabukodonosor.

¹⁶E yu hombernan di Levi tabata Gerson, Koat i Merari.

¹⁷I esakinan ta e nombernan di e yu hombernan di Gerson: Libni i Simei.

¹⁸I e yu hombernan di Koat tabata Amram, Izhar, Hebron i Uziel.

¹⁹E yu hombernan di Merari tabata Mahli i Musi. I esakinan ta e famianan di e levitanan, segun e kasnan di nan tatanan.

²⁰Di Gerson: su yu homber, Libni; Libni su yu homber, Jahat; Jahat su yu homber, Zima;

²¹Zima su yu homber, Joa; Joa su yu homber, Ido; Ido su yu homber, Zera; Zera su yu homber, Jeatrai.

²²E yu hombernan di Koat: su yu homber, Aminadab; Aminadab su yu homber, Kore; Kore su yu homber, Asir;

²³Asir su yu homber, Elkana; Elkana su yu homber, Ebiasaf i Ebiasaf su yu homber, Asir;

²⁴Asir su yu homber, Tahat; Tahat su yu homber, Uriel; Uriel su yu homber, Uzias; Uzias su yu homber, Saul.

²⁵I e yu hombernan di Elkana: Amasai i Ahimot.

²⁶Pa loke ta Elkana, e yu hombernan di Elkana tabata su yu homber Zofai i Zofai su yu homber, Nahat;

²⁷Nahat su yu homber, Eliab; Eliab su yu homber, Jeroham; Jeroham su yu homber, Elkana.

²⁸I e yu hombernan di Samuel tabata Joel, e primogenito i Abias, e di dos.

²⁹E yu hombernan di Merari tabata: Mahli; Mahli su yu homber, Libni; Libni su yu homber, Simei; Simei su yu homber, Uza;

³⁰Uza su yu homber, Simea; Simea su yu homber, Haguia; Haguia su yu homber, Asaias.

³¹Awor esakinan ta esnan ku David a nombra riba e sirbishi di kantamentu den e kas di SENOR, despues ku e arka a hana su luga di sosiegu ayanan.

³²I nan tabata sirbi ku kantamentu dilanti di e tabernakel di e tent di reunion, te dia Salomon a traha e kas di SENOR na Jerusalem; i nan a sirbi den nan puesto konforme nan kustumber.

³³I esakinan ta esnan ku tabata sirbi huntu ku nan yu hombernan. Di e yu hombernan di e koatitanan Heman tabata e kantado, yu homber di Joel, yu homber di Samuel,

³⁴yu homber di Elkana, yu homber di Jeroham, yu homber di Eliel, yu homber di Toa,

³⁵yu homber di Zuf, yu homber di Elkana, yu homber di Mahat, yu homber di Amasai,

³⁶yu homber di Elkana, yu homber di Joel, yu homber di Azarias, yu homber di Sofonias,

³⁷yu homber di Tahat, yu homber di Asir, yu homber di Ebiasaf, yu homber di Kore,

³⁸yu homber di Izhar, yu homber di Koat, yu homber di Levi, yu homber di Israel.

³⁹I Asaf, ruman homber di Heman, tabata para na su man drechi, esta, Asaf, yu homber di Berekias, yu homber di Simea,

⁴⁰yu homber di Mikael, yu homber di Baasias, yu homber di Malkias,

⁴¹yu homber di Etni, yu homber di Zera, yu homber di Adaia,

⁴²yu homber di Etan, yu homber di Zima, yu homber di Simei,

⁴³yu homber di Jahat, yu homber di Gerson, yu homber di Levi.

⁴⁴I na man robes nan rumannan, e yu hombernan di Merari: Etan, yu homber di Kisi, yu homber di Abdi, yu homber di Maluk,

⁴⁵yu homber di Hasabias, yu homber di Amasias, yu homber di Hilkias,

⁴⁶yu homber di Amsi, yu homber di Bani, yu homber di Semer,

⁴⁷yu homber di Mahli, yu homber di Musi, yu homber di Merari, yu homber di Levi.

⁴⁸I nan rumannan, e levitanan, a wordu nombra pa henter e sirbishi di e tabernakel di e kas di Dios.

⁴⁹Ma Aaron ku su yu hombernan tabata ofrese sakrifisio riba e altar di ofrenda kima i riba e altar di sensia, pa henter e trabou di e luga santisimo, i pa hasi ekspiashon pa Israel, konforme tur loke Moises, e sirbido di Dios, a ordena.

⁵⁰I esakinan ta e yu hombernan di Aaron: su yu homber, Eleazar; Eleazar su yu homber, Finees; Finees su yu homber, Abisua;

⁵¹Abisua su yu homber, Buki; Buki su yu homber, Uzi; Uzi su yu homber, Zeraias;

⁵²Zeraias su yu homber, Meraiot; Meraiot su yu homber, Amarias; Amarias su yu homber, Ahitob;

⁵³Ahitob su yu homber, Sadok; Sadok su yu homber, Ahimaas.

⁵⁴Awor esakinan ta nan luganan di biba segun nan kampamentunan den nan fronteranan. Na e yu hombernan di Aaron, kendenan tabata pertenese na e famianan di e koatitanan (na kendenan a toka e suerte di hana e prome lot),

⁵⁵na nan nan a duna Hebron na tera di Juda, i su luganan di yerba berde ront di dje;

⁵⁶ma e kunukunan di e stat i su pueblitonan nan a duna Kaleb, yu homber di Jefone.

⁵⁷I na e yu hombernan di Aaron nan a duna e siguiente statnan di refugio: Hebron, tambe Libna ku su luganan di yerba berde, Jatir, Estemoa ku su luganan di yerba berde,

⁵⁸Hilen ku su luganan di yerba berde, Debir ku su luganan di yerba berde,

⁵⁹Asan ku su luganan di yerba berde i Bet-semes ku su luganan di yerba berde;

⁶⁰i for di e tribu di Benjamin: Geba ku su luganan di yerba berde, Alemet ku su luganan di yerba berde, i Anatot ku su luganan di yerba berde. Tur nan statnan, reparti den tur nan famianan, tabata diestres stat.

⁶¹Despues na e restu di e yu hombernan di Koat nan a duna pa medio di lot, for di e famia di e tribu, for di e mitar tribu, mitar di Manases, dies stat.

⁶²I na e yu hombernan di Gerson, segun nan famianan, a wordu duna for di e tribu di Isakar i for di e tribu di Aser, e tribu di Neftali i e tribu di Manases, diestres stat na Basan.

⁶³Na e yu hombernan di Merari a wordu duna pa medio di lot, segun nan famianan, for di e tribu di Ruben, e tribu di Gad i e tribu di Zabulon, diesdos stat.

⁶⁴Asina e yunan di Israel a duna e levitanan e statnan huntu ku nan luganan di yerba berde.

⁶⁵I nan a duna pa medio di lot, for di e tribu di e yu hombernan di Juda, e tribu di e yu hombernan di Simeon i e tribu di e yu hombernan di Benjamin, e statnan aki ku ta menshona na nan nomber.

⁶⁶I algun di e famianan di e yu hombernan di Koat a risibi, komo nan teritorio, statnan for di e tribu di Efrain.

⁶⁷I nan a duna nan e siguiente statnan di refugio: Sikem ku su luganan di yerba berde, den e serunan di Efrain, tambe Gezer ku su luganan di yerba berde,

⁶⁸Jokmeam ku su luganan di yerba berde, Bet-horon ku su luganan di yerba berde,

⁶⁹Ajalon ku su luganan di yerba berde, i Gat-rimon ku su luganan di yerba berde;

⁷⁰i for di e mitar tribu di Manases: Aner ku su luganan di yerba berde, i Bileam ku su luganan di yerba berde, pa e restu di famia di e yu hombernan di Koat.

⁷¹Na e yu hombernan di Gerson a wordu duna, for di famia di e mitar tribu di Manases: Golan na Basan ku su luganan di yerba berde i Astarot ku su luganan di yerba berde;

⁷²i for di e tribu di Isakar: Kedes ku su luganan di yerba berde, Daberat ku su luganan di yerba berde,

⁷³i Ramot ku su luganan di yerba berde, Anem ku su luganan di yerba berde;

⁷⁴i for di e tribu di Aser: Masal ku su luganan di yerba berde, Abdon ku su luganan di yerba berde,

⁷⁵Hukok ku su luganan di yerba berde, i Rehob ku su luganan di yerba berde;

⁷⁶i for di e tribu di Neftali: Kedes na Galilea ku su luganan di yerba berde, Hamon ku su luganan di yerba berde, i Kiriataim ku su luganan di yerba berde.

⁷⁷Na e restu di e levitanan, e yu hombernan di Merari, a wordu duna, for di e tribu di Zabulon: Rimon ku su luganan di yerba berde, Tabor ku su luganan di yerba berde;

⁷⁸i na e otro banda di Jordan na Jeriko, na e banda pariba di Jordan, a wordu duna na nan, for di e tribu di Ruben: Beser den desierto ku su luganan di yerba berde, Jaza ku su luganan di yerba berde,

⁷⁹Kademot ku su luganan di yerba berde, i Mefaat ku su luganan di yerba berde;

⁸⁰i for di e tribu di Gad: Ramot di Galaad ku su luganan di yerba berde, Mahanaim ku su luganan di yerba berde,

⁸¹Hesbon ku su luganan di yerba berde i Jazer ku su luganan di yerba berde.