Read Papantla Totonac 1 Kronikanan 7 Bible Online

1 Kronikanan 7 - Papantla Totonac bible

1 Kronikanan 7

¹Awor e yu hombernan di Isakar tabata kuater: Tola, Pua, Jasub i Simron.

²I e yu hombernan di Tola: Uzi, Refaias, Jeriel, Jahmai, Ibsam i Samuel, kabesnan di e kasnan di nan tatanan. E yu hombernan di Tola tabata hombernan poderoso i balente den nan generashonnan; nan kantidat den e dianan di David tabata 22.600.

³I e yu homber di Uzi tabata Israhias. I e yu hombernan di Israhias tabata Mikael, Obadias, Joel, Isias; nan tur sinku tabata hombernan lider.

⁴I huntu ku nan, segun nan generashonnan, konforme e kasnan di nan tatanan, tabatin 36.000 trupa di e ehersito pa bringa den guera, pasobra nan tabatin hopi esposa i yu homber.

⁵I nan rumannan for di tur e famianan di Isakar tabata hombernan poderoso i balente, registra segun genealogia, na tur 87.000.

⁶E yu hombernan di Benjamin tabata tres: Bela, Beker i Jediael.

⁷I e yu hombernan di Bela tabata sinku: Ezbon, Uzi, Uziel, Jerimot i Iri. Nan tabata kabesnan di e kasnan di nan tatanan, hombernan poderoso i balente, i nan tabata 22.034, registra segun genealogia.

⁸I e yu hombernan di Beker tabata Zemira, Joas, Eliezer, Elioenai, Omri, Jerimot, Abias, Anatot i Alamet. Tur esakinan tabata yu hombernan di Beker.

⁹I nan tabata registra segun genealogia, segun nan generashon, kabesnan di e kasnan di nan tatanan, 20.200 homber poderoso i balente.

¹⁰I e yu homber di Jediael tabata Bilhan. I e yu hombernan di Bilhan tabata Jeus, Benjamin, Aod, Kenaana, Zetan, Tarsis i Ahisahar.

¹¹Tur esakinan tabata yu hombernan di Jediael, segun e kabesnan di e kasnan di nan tatanan, 17.200 homber poderoso i balente, ku tabata kla pa sali bai guera ku e ehersito.

¹²I Supim i Hupim tabata yu hombernan di Ir; Husim tabata yu homber di Aher.

¹³E yu hombernan di Neftali tabata Jahzeel, Guni, Jezer i Salum, e yu hombernan di Bilha.

¹⁴E yu hombernan di Manases tabata Asriel, ku su konkubina arameo a hana; el a hana Makir, tata di Galaad.

¹⁵I Makir a tuma e ruman muhe di Hupim i Supim komo esposa, kende su nomber tabata Maaka. I nomber di e di dos tabata Zelofehad, i Zelofehad tabatin yu muhenan.

¹⁶I Maaka, esposa di Makir, a hana un yu homber, i el a yam'e Peres; i nomber di su ruman homber tabata Seres, i su yu hombernan tabata Ulam i Rekem.

¹⁷I e yu homber di Ulam tabata Bedan. Esakinan tabata e yu hombernan di Galaad, yu homber di Makir, yu homber di Manases.

¹⁸I su ruman muhe Hamoleket a hana Isod, Abiezer i Mahala.

¹⁹I e yu hombernan di Semida tabata Ahian, Sikem, Likhi i Aniam.

²⁰I e yu hombernan di Efrain tabata Sutela i su yu homber Bered; Bered su yu homber, Tahat; Tahat su yu homber, Elada; Elada su yu homber, Tahat;

²¹Tahat su yu homber, Zabad; Zabad su yu homber, Sutela; i Ezer i Elad, kendenan e hombernan di Gat, ku a nase na e tera ei, a mata, pasobra nan a bin pa kohe nan bestianan di kria.

²²I nan tata Efrain a tene rou pa hopi dia, i su rumannan a bin pa konsol'e.

²³Despues el a drumi ku su esposa, i esaki a konsebi i a hana un yu homber, i Efrain a yam'e Beria, pasobra kalamidat a bin riba su kas.

²⁴I su yu muhe tabata Seera, kende a traha Bet-horon abou i Bet-horon ariba i tambe Uzen-seera.

²⁵I Refa tabata su yu homber i tambe Resef; Resef su yu homber, Telah; Telah su yu homber, Tahan;

²⁶Tahan su yu homber, Laadan; Laadan su yu homber, Amiud; Amiud su yu homber, Elisama;

²⁷Elisama su yu homber, Nun; i Nun su yu homber, Josue.

²⁸I nan propiedatnan i stablesimentunan tabata Bet-el ku su statnan; i parti pariba, Naaran, i parti pabou, Gezer ku su statnan; i Sikem ku su statnan te na Gaza ku su statnan,

²⁹i na e fronteranan di e yu hombernan di Manases: Bet-sean ku su statnan, Taanak ku su statnan, Meguido ku su statnan i Dor ku su statnan. Den esakinan e yu hombernan di Jose, yu homber di Israel, tabata biba.

³⁰E yu hombernan di Aser tabata Imna, Isua, Isui, Beria i nan ruman muhe Sera.

³¹I e yu hombernan di Beria tabata Heber i Malkiel, kende tabata tata di Birzavit.

³²I Heber a engendra Jaflet, Somer i Hotam, i nan ruman muhe Sua.

³³I e yu hombernan di Jaflet tabata Pasak, Bimhal i Asvat. Esakinan tabata e yu hombernan di Jaflet.

³⁴I e yu hombernan di Semer tabata Ahi, Rohga, Jehuba i Aram.

³⁵E yu hombernan di su ruman homber Helem tabata Zofa, Imna, Seles i Amal.

³⁶E yu hombernan di Zofa tabata Sua, Harnefer, Sual, Beri, Imra,

³⁷Beser, Hod, Sama, Silsa, Itran i Beera.

³⁸I e yu hombernan di Jeter tabata Jefone, Pispa i Ara.

³⁹I e yu hombernan di Ula tabata Ara, Haniel i Rizia.

⁴⁰Tur esakinan tabata yu hombernan di Aser, kabesnan di e kasnan di e tatanan, hombernan skohi, poderoso i balente, kabesantenan di e prensnan. I nan a wordu registra segun genealogia pa sirbishi den guera, un total di 26.000 homber.