Read Papantla Totonac 1 Kronikanan 9 Bible Online

1 Kronikanan 9 - Papantla Totonac bible

1 Kronikanan 9

¹Asina henter Israel tabata registra segun genealogia; i mira, nan ta para skirbi den e Buki di Reinan di Israel. Poblashon di Jerusalem i Juda a wordu hiba den eksilio na Babilonia pa motibu di nan infieldat.

²Awor e prome habitantenan ku a stablese nan mes den nan propiedatnan den nan statnan tabata Israel, e saserdotenan, e levitanan i e sirbidonan di tempel.

³I algun di e yu hombernan di Juda, di e yu hombernan di Benjamin, i di e yu hombernan di Efrain i Manases tabata biba na Jerusalem:

⁴Utai, yu homber di Amiud, yu homber di Omri, yu homber di Imri, yu homber di Bani, for di e yu hombernan di Fares, yu homber di Juda.

⁵I for di e silonitanan: Asaias, e primogenito, i su yu hombernan.

⁶I for di e yu hombernan di Zera: Jeuel i nan rumannan, 690.

⁷I for di e yu hombernan di Benjamin: Sallu, yu homber di Mesulam, yu homber di Hodavias, yu homber di Hasenua,

⁸i Ibneias, yu homber di Jeroham, i Ela, yu homber di Uzi, yu homber di Mikri, i Mesulam, yu homber di Sefatias, yu homber di Reuel, yu homber di Ibnias;

⁹i nan rumannan segun nan generashonnan, 956. Tur esakinan tabata kabesnan di e kasnan di nan tatanan, segun e kasnan di nan tatanan.

¹⁰I for di e saserdotenan: Jedaias, Joiarib, Jakin,

¹¹i Azarias, yu homber di Hilkias, yu homber di Mesulam, yu homber di Sadok, yu homber di Meraiot, yu homber di Ahitob, ofisial prinsipal di e kas di Dios;

¹²i Adaia, yu homber di Jeroham, yu homber di Pasur, yu homber di Malkias, i Maasai, yu homber di Adiel, yu homber di Jazera, yu homber di Mesulam, yu homber di Mesilemit, yu homber di Imer;

¹³i nan rumannan, kabesnan di e kasnan di nan tatanan, 1.760 homber masha kapas pa e trabou di sirbishi di e kas di Dios.

¹⁴I di e levitanan: Semaias, yu homber di Hasub, yu homber di Azrikam, yu homber di Hasabias, di e yu hombernan di Merari;

¹⁵i Bakbakar, Heres, Galal i Matanias, yu homber di Mikaia, yu homber di Zikri, yu homber di Asaf,

¹⁶i Obadias, yu homber di Semaias, yu homber di Galal, yu homber di Jedutun, i Berekias yu homber di Asa, yu homber di Elkana, kende tabata biba den e pueblitonan di e netofatitanan.

¹⁷Awor e wardadonan-di-porta: Salum, Akub, Talmon i Ahiman i nan rumannan (Salum e lider,

¹⁸kende te awor ta stashona na e porta di rei, parti pariba). Esakinan tabata e wardadonan-di-porta na e kampamentu di e yu hombernan di Levi.

¹⁹Salum, yu homber di Kore, yu homber di Ebiasaf, yu homber di Kore i su rumannan, di e kas di su tata, e koreitanan, tabata enkarga ku e trabou di sirbishi, wardadonan di e drempelnan di e tent; i nan tatanan tabata enkarga ku e kampamentu di SENOR, wardadonan di e entrada.

²⁰I Finees, yu homber di Eleazar, antes tabata gobernante riba nan, i SENOR tabata kune.

²¹Zakarias, yu homber di Meselemias, tabata wardado-di-porta na e entrada di e tent di reunion.

²²Tur esakinan, kendenan a wordu skohi pa ta wardado-di-porta na e drempelnan, tabata 212. Esakinan tabata registra segun genealogia, den nan pueblitonan, kendenan David i Samuel, e mirado, a nombra den nan puesto di konfiansa.

²³Asina nan i nan yu hombernan tabatin enkargo di e portanan di e kas di SENOR, esta, e kas di e tent, komo guardianan.

²⁴E wardadonan-di-porta tabata na e kuater bandanan: pariba, pabou, panort i pasuit.

²⁵I di bes en kuando nan rumannan den nan pueblitonan mester a bin keda serka nan pa shete dia,

²⁶pasobra e kuater wardadonan-di-porta prinsipal ku tabata levita, tabatin un puesto di konfiansa, i tabatin enkargo di e kambeman i di e luganan-di-warda-tesoro den e kas di Dios.

²⁷I nan tabata pasa nochi ront di e kas di Dios, pasobra e warda tabata na nan enkargo; i nan tabata enkarga pa habrie tur mainta.

²⁸Awor algun di nan tabatin enkargo di e artikulonan-di-uzo di sirbishi, pasobra nan tabata konta nan ora nan hiba nan paden i ora nan trese nan pafo.

²⁹Tambe algun di nan tabatin responsabilidat pa e ophetonan en general i pa tur e artikulonan-di-uzo di e santuario i pa e harina fini, e bina, e zeta, e sensia i e spesereinan.

³⁰I algun di e yu hombernan di e saserdotenan tabata meskla e spesereinan.

³¹I Matitias, un di e levitanan, kende tabata e primogenito di Salum e koreita, tabatin responsabilidat pa e kosnan ku tabata wordu hasa den panchi.

³²I algun di nan rumannan di e yu hombernan di e koatitanan tabatin enkargo di e pan di proposishon pa prepar'd tur dia di sabat.

³³Awor esakinan ta e kantadonan, kabesnan di e kasnan di e tatanan di e levitanan, kendenan tabata biba den e kambernan di e tempel, liber di otro sirbishi; pasobra di dia i anochi nan tabata okupa ku nan trabou.

³⁴Esakinan tabata kabesnan di e kasnan di e tatanan di e levitanan, segun nan generashonnan, hombernan lider, ku tabata biba na Jerusalem.

³⁵I Jehiel, tata di Gabaon, tabata biba na Gabaon, i nomber di su esposa tabata Maaka,

³⁶i su yu homber primogenito tabata Abdon, despues Zur, Kis, Baal, Ner, Nadab,

³⁷Gedor, Ahio, Zakarias i Miklot.

³⁸I Miklot a engendra Simeam. I nan tambe tabata biba serka nan rumannan na Jerusalem, enfrente di nan otro rumannan.

³⁹I Ner a engendra Kis, i Kis a engendra Saul, i Saul a engendra Jonatan, Malkisua, Abinadab i Es-baal.

⁴⁰I e yu homber di Jonatan tabata Merib-baal; i Merib-baal a engendra Mikaia.

⁴¹I e yu hombernan di Mikaia tabata Piton, Melek, Tarea i Akaz.

⁴²I Akaz a engendra Jara, i Jara a engendra Alemet, Azmavet i Zimri; i Zimri a engendra Mosa,

⁴³i Mosa a engendra Bina i su yu homber Refaias; Refaias su yu homber, Elasa; Elasa su yu homber, Azel.

⁴⁴I Azel tabatin seis yu homber, kende nan nomber ta: Azrikam, Bokru, Ismael, Searias, Obadias i Hanan. Esakinan tabata e yu hombernan di Azel.