Read Papantla Totonac 2 Kronikanan 12 Bible Online

2 Kronikanan 12 - Papantla Totonac bible

2 Kronikanan 12

¹Ora ku e reino di Roboam a wordu stables! i a bira fuerte, e i henter Israel huntu kune a bandona e lei di SENOR.

²I a sosode den e di sinku ana di rei Roboam, pasobra nan tabata infiel na SENOR, ku Sisak, rei di Egipto, a lanta kontra Jerusalem

³ku mil dos shen garoshi i sesenta mil koredo di kabai. I e pueblo ku a bin kune for di Egipto no por a wordu konta: e libionan, e sukitanan i e etiopenan.

⁴I el a kaptura e statnan fortifika di Juda i a yega te na Jerusalem.

⁵E ora ei profeta Semaias a bin serka Roboam i e prensnan di Juda, kendenan a reuni na Jerusalem pa motibu di Sisak, i el a bisa nan: "Asina SENOR ta bisa: 'Boso a bandonaMi, asina Ami tambe a bandona boso i a entrega boso na Sisak.'"

⁶Asina e prensnan di Israel i rei a umiya nan mes i a bisa: "SENOR ta hustu."

⁷I ora SENOR a mira ku nan a umiya nan mes, e palabra di SENOR a yega na Semaias, bisando: "Nan a umiya nan mes, pesei lo Mi no destrui nan, ma lo Mi duna nan sierto midi di libertat; i lo Mi no drama Mi furia riba Jerusalem pa medio di Sisak.

⁸Ma nan lo bira su esklabu, asina ku nan por sina e diferensia entre sirbi Ami i sirbi e reinonan di e nashonnan."

⁹Asina Sisak, rei di Egipto, a lanta kontra Jerusalem, i a kohe e tesoronan di e kas di SENOR i e tesoronan di rei su palasio. El a kohe tur kos; tambe el a kohe e eskudonan di oro ku Salomon a traha.

¹⁰E ora ei rei Roboam a traha eskudo di brons na nan luga, i a pone nan na enkargo di e komandantenan di e guardianan ku tabata tene warda na porta di rei su kas.

¹¹I a sosode ku ki ora ku rei tabata drenta e kas di SENOR, e guardianan tabata bin karga nan i despues hiba nan bek den e kamber di e guardianan.

¹²I ora ku el a umiya su mes, e rabia di SENOR a kita for di dje, asina ku E no a destruie kompletamente; i tambe kosnan tabata bai bon na Juda.

¹³Asina rei Roboam a fortalese su mes na Jerusalem i a reina. Awor Roboam tabatin kuarent'i un ana dia ku el a kuminsa reina, i el a reina dieshete ana na Jerusalem, e stat ku SENOR a skohe for di tur e tribunan di Israel, pa pone Su nomber ayanan. I nomber di su mama tabata Naama e amonita.

¹⁴I el a hasi malu, pasobra e no a pone su kurason pa buska SENOR.

¹⁵Awor e echonan di Roboam, for di prome te delaster, nan no ta para skirbi den e buki di profeta Semaias i di Ido e mirado, segun e registro genealogiko? I tabatin guera kontinuamente entre Roboam i Jeroboam.

¹⁶I Roboam a bai sosega serka su tatanan i a wordu dera den e stat di David, i su yu homber Abias a bira rei na su luga.