Read Papantla Totonac 2 Kronikanan 19 Bible Online

2 Kronikanan 19 - Papantla Totonac bible

2 Kronikanan 19

¹E ora ei Josafat, rei di Juda, a bolbe sano i salvo na su kas na Jerusalem.

²I Jehu, yu homber di Hanani, e mirado, a sali pa kontr'e i a bisa rei Josafat: "Bo mester yuda e malbado i stima esnan ku ta odia SENOR i asina trese rabia di SENOR riba bo mes?

³Sinembargo, tin algu bon den bo, pasobra bo a kita e imagennan di Asera for di e tera i bo a dedika bo kurason pa buska Dios."

⁴Asina Josafat a biba na Jerusalem i a bolbe sali meimei di e pueblo for di Beerseba te na e serunan di Efrain, i a trese nan bek serka SENOR, e Dios di nan tatanan.

⁵I el a nombra huesnan den e tera den tur e statnan fortifika di Juda, stat pa stat.

⁶I el a bisa e huesnan: "Pensa bon kiko boso ta hasi, pasobra no ta pa hende boso ta huzga, sino pa SENOR, Kende ta huntu ku boso ora boso ta duna huisio.

⁷Pesei awor, laga e temor di SENOR ta riba boso; tene masha kuidou kiko boso ta hasi, pasobra SENOR nos Dios lo no tin parti den inhustisia, ni den distinshon di persona, ni den tumamentu di plaka pasa bou di mesa."

⁸I na Jerusalem tambe Josafat a nombra algun di e levitanan i saserdotenan, i algun di e kabesnan di e kasnan di e tatanan di Israel, pa e huisio di SENOR i pa huzga pleitunan entre e habitantenan di Jerusalem.

⁹E ora ei el a ordena nan, bisando: "Asina boso mester hasi den e temor di SENOR, ku fieldat i di henter boso kurason.

¹⁰I ki ora ku kualke pleitu wordu presenta na boso dor di boso rumannan ku ta biba den nan statnan, entre sanger ku sanger, entre lei i mandamentu, statuto i ordenansa, boso mester spierta nan, pa nan no keda kulpabel dilanti di SENOR, i pa furia no bin riba boso i boso rumannan. Asin'aki boso mester hasi i boso lo no ta kulpabel.

¹¹"I mira, sumosaserdote Amarias lo ta riba boso den tur loke tin di hasi ku SENOR; i Zebadias, yu homber di Ismael, gobernante di e kas di Juda, den tur loke tin di hasi ku rei. Tambe e levitanan lo ta ofisialnan dilanti di boso. Aktua desidido, i ku SENOR sea ku e hustu."