Read Papantla Totonac 2 Kronikanan 20 Bible Online

2 Kronikanan 20 - Papantla Totonac bible

2 Kronikanan 20

¹Awor a sosode ku despues di esaki e yu hombernan di Moab i e yu hombernan di Amon, huntu ku algun di e meunitanan, a bin pa hasi guera kontra Josafat.

²Anto algun hende a bin konta Josafat, bisando: "Un multitut grandi ta biniendo kontra bo for di otro banda di laman, for di Siria, i mira, nan ta na Hazezon-tamar, esta, En-gadi."

³I Josafat a hana miedu i a disidi di buska SENOR, i a proklama un yunamentu den henter Juda.

⁴Asina e pueblo di Juda a reuni huntu pa buska yudansa di SENOR; si, nan a bin for di tur stat di Juda pa buska SENOR.

⁵E ora ei Josafat a bai para den e asamblea di Juda i Jerusalem, den e kas di SENOR, dilanti di e plenchi nobo,

⁶i el a bisa: "O SENOR, e Dios di nos tatanan, no ta Abo ta Dios den e shelunan? I no ta Abo ta goberna riba tur e reinonan di e nashonnan? Poder i forsa ta den Bo man, asina ku ningun hende no por para kontra Bo.

⁷No ta Abo, O nos Dios, a kore ku e habitantenan di e tera aki for di dilanti di Bo pueblo Israel, i a dun'e na e desendientenan di Abraham, Bo amigu pa semper?

⁸I nan a biba den dje, i a traha pa Bo un santuario ayanan pa Bo nomber, bisando:

⁹'Si maldat bin riba nos, of spada, of huisio, of pestilensia, of hamber, nos lo para dilanti di e kas aki i dilanti di Bo (pasobra Bo nomber ta den e kas aki), i sklama na Bo den nos angustia, i Abo lo tende i libra nos.'

¹⁰"I awor, ata, e yu hombernan di Amon, Moab i Seru Seir, ku Bo no a permiti Israel invadi tempu ku nan a sali for di tera di Egipto (nan a kita pa nan i no a destrui nan),

¹¹mira kon nan ta paga nos bek, dor di bin pa kore ku nos for di Bo poseshon ku Bo a duna nos komo un erensia.

¹²O nos Dios, lo Bo no huzga nan? Pasobra nos ta sin forsa dilanti di e multitut grandi aki ku ta bini kontra nos; ni nos no sa kiko pa hasi, ma nos wowo ta riba Bo."

¹³I henter Juda tabata para dilanti di SENOR, ku nan yu chikitunan, nan esposanan i nan yunan.

¹⁴E ora ei meimei di e asamblea e Spiritu di SENOR a bin riba Jahaziel, yu homber di Zakarias, yu homber di Benaia, yu homber di Jeiel, yu homber di Matanias, e levita di e yu hombernan di Asaf.

¹⁵I el a bisa: "Skucha, henter Juda i habitantenan di Jerusalem i rei Josafat: asina SENOR ta bisa boso: 'No tene miedu ni desmaya pa motibu di e multitut grandi aki, pasobra e bataya no ta di boso, ma di Dios.

¹⁶Manan, baha bai kontra nan. Mira, nan lo subi pasa riba e subida di Sis, i boso lo hana nan kaminda e vaye ta kaba, prome ku yega na e desierto di Jeruel.

¹⁷Boso no tin mester di bringa den e bataya aki; stashona boso mes, para i mira e salbashon di SENOR na boso fabor, O Juda i Jerusalem.' No tene miedu ni desmaya; sali manan pa enfrenta nan, pasobra SENOR ta ku boso."

¹⁸I Josafat a baha su kabes ku su kara te na suela, i henter Juda i e habitantenan di Jerusalem a tira nan kurpa abou dilanti di SENOR, i a adora SENOR.

¹⁹I e levitanan, for di e yu hombernan di e koatitanan i for di e yu hombernan di e koreitanan, a lanta para pa alaba e SENOR Dios di Israel, na bos masha fuerte mes.

²⁰I nan a lanta mainta tempran i a sali bai na e desierto di Tekoa; i ora nan a sali bai, Josafat a para i a bisa: "Skuchami, O Juda i habitantenan di Jerusalem, pone boso konfiansa den SENOR boso Dios, i boso lo ta stablesi. Pone boso konfiansa den Su profetanan i prospera."

²¹I ora ku el a konsulta ku e pueblo, el a apunta esnan ku tabata kanta na SENOR i esnan ku tabata alab'E bisti na pana santu, mientras ku nan tabata sali dilanti di e ehersito, bisando: "Duna danki na SENOR, pasobra Su miserikordia ta pa semper."

²²I ora nan a kuminsa kanta i alaba, SENOR a prepara atakenan di sorpresa kontra e yu hombernan di Amon, Moab i Seru Seir, kendenan a bin kontra Juda; asina nan a wordu derota.

²³Pasobra e yu hombernan di Amon i Moab a lanta kontra e habitantenan di Seru Seir i a destrui nan kompletamente, i ora nan a kaba ku e habitantenan di Seir, nan a yuda destrui otro.

²⁴Ora Juda a yega na e toren di vigilansia den desierto, nan a wak den direkshon di e multitut; i mira, nan tur tabata kadaver benta na suela; i ningun hende no a skapa.

²⁵I ora Josafat i su pueblo a bin pa kohe nan botin, nan a hana hopi kos entre nan, inkluyendo merkansia, bisti i kosnan di balor ku nan a kohe pa nan mes, mas ku nan por a karga. I tres dia largu nan tabata kohe botin, pasobra tabatin asina hopi.

²⁶Anto riba e di kuater dia nan a reuni den e vaye di Beraka, pasobra aya nan a bendishona SENOR. Pesei nan a yama e luga ei "Vaye di Beraka" te dia djawe.

²⁷I tur homber di Juda i Jerusalem a bolbe ku Josafat na kabes, i a bai bek na Jerusalem ku goso, pasobra SENOR a hasi nan regosiha riba nan enemigunan.

²⁸I nan a yega Jerusalem na e kas di SENOR, ku arpa, salterio i trompet.

²⁹I e teror di Dios tabata riba tur e reinonan di e paisnan, ora nan a tende ku SENOR a bringa kontra e enemigunan di Israel.

³⁰Asina e reino di Josafat tabatin pas, pasobra su Dios a dun'e sosiegu na tur banda.

³¹Awor Josafat a reina riba Juda. E tabatin trint'i sinku ana dia ku el a bira rei, i el a reina bint'i sinku ana na Jerusalem. I nomber di su mama tabata Azuba, yu muhe di Silhi.

³²I el a kana den e kaminda di su tata Asa i no a aparta for di dje, i el a hasi bon den bista di SENOR.

³³E luganan haltu, sinembargo, no a wordu kita; e pueblo ainda no a dirigi nan kurason na e Dios di nan tatanan.

³⁴Awor e demas echonan di Josafat, di prome te delaster, mira, nan ta para skirbi den e historia di Jehu, yu homber di Hanani, ku ta para skirbi den Buki di e reinan di Israel.

³⁵I despues di esaki Josafat, rei di Juda, a sera un aliansa ku Okozias, rei di Israel. El a hasi malu dor di hasi asina.

³⁶Asina el a sera un aliansa kune pa traha barkunan pa bai Tarsis, i nan a traha e barkunan na Ezion-geber.

³⁷E ora ei Eliezer, yu homber di Dodava di Maresa, a profetisa kontra Josafat, bisando: "Pasobra bo a sera un aliansa ku Okozias, SENOR a destrui bo trabounan." Asina e barkunan a kibra i no por a bai Tarsis.