Read Papantla Totonac 2 Kronikanan 27 Bible Online

2 Kronikanan 27 - Papantla Totonac bible

2 Kronikanan 27

¹Jotam tabatin bint'i sinku ana dia ku el a bira rei, i el a reina dieseis ana na Jerusalem. I nomber di su mama tabata Jerusa, yu muhe di Sadok.

²I el a hasi bon den bista di SENOR, konforme tur loke su tata Uzias a hasi; sinembargo, e no a drenta den e tempel di SENOR. Ma e pueblo a sigui aktua korumpi.

³El a traha e porta ariba di e kas di SENOR, i el a traha hopi riba e muraya di Ofel.

⁴Ademas, el a traha statnan den e serunan di Juda, i den e mondinan el a traha fortinan i torennan.

⁵Tambe el a bringa kontra e rei di e amonitanan i a triunfa riba nan, asina ku durante di e ana ei e amonitanan a dun'e shen talento di plata, dies mil koro di trigo i dies mil di puspas. Tambe e amonitanan a pagu'e e kantidat aki den e di dos i e di tres ana.

⁶Asina Jotam a bira poderoso, pasobra el a kana korekto dilanti di SENOR su Dios.

⁷Awor e demas echonan di Jotam, esta, tur su gueranan i su echonan, mira, nan ta para skirbi den e Buki di reinan di Israel i Juda.

⁸E tabatin bint'i sinku ana dia ku el a bira rei, i el a reina dieseis ana na Jerusalem.

⁹I Jotam a bai sosega serka su tatanan, i nan a der'e den e stat di David; i su yu homber Akaz a bira rei na su luga.