Read Papantla Totonac 2 Kronikanan 30 Bible Online

2 Kronikanan 30 - Papantla Totonac bible

2 Kronikanan 30

¹Awor Ezekias a manda rospondi pa henter Israel i Juda i a skirbi karta tambe pa Efrain i Manases, pa nan bin na e kas di SENOR na Jerusalem, pa selebra Pasku na e SENOR Dios di Israel.

²Pasobra rei i su prensnan i henter e asamblea na Jerusalem a disidi di selebra Pasku den e di dos luna,

³komo ku nan no por a selebr'e na e tempu ei, pasobra no tabatin sufisiente saserdote ku a konsagra nan mes, ni e pueblo no a wordu reuni na Jerusalem.

⁴Asina ku esaki tabata korekto den bista di rei i di henter e asamblea.

⁵Asina nan a tuma e desishon pa manda un proklamashon ront den henter Israel, for di Beerseba te na Dan, pa nan bin selebra Pasku na e SENOR Dios di Israel na Jerusalem. Pasobra nan no a selebr'e na kantidat grandi manera a wordu preskribi.

⁶I e mensaheronan a pasa den henter Israel i Juda ku e kartanan for di man di rei i su prensnan, esta, konforme e mandamentu di rei, bisando: "O yunan di Israel, bolbe serka e SENOR Dios di Abraham, Isaak i Israel, pa E bolbe serka esnan di boso ku a keda i a skapa for di man di e reinan di Asiria.

⁷I no sea manera boso tatanan i boso ruman hombernan, kendenan tabata infiel na e SENOR Dios di nan tatanan, asina ku El a hasi nan un horor, manera boso ta mira.

⁸Awor, no hasi boso nek steif manera boso tatanan, ma somete boso na SENOR i drenta den Su santuario ku El a konsagra pa semper, i sirbi SENOR boso Dios, pa Su rabia ardiente kita for di riba boso.

⁹Pasobra si boso bolbe serka SENOR, boso ruman hombernan i boso yu hombernan lo hana kompashon dilanti di esnan ku a hiba nan komo katibu, i nan lo bolbe na e tera aki. Pasobra SENOR boso Dios ta yen di grasia i kompashon, i lo no bira Su kara for di boso, si boso bolbe serka djé."

¹⁰Asina e mensaheronan a pasa di stat pa stat dor di tera di Efrain i Manases, i te na Zabulon, ma nan a hari nan i a hasi bofon di nan.

¹¹Sinembargo, algun homber di Aser, Manases i Zabulon a umiya nan mes i a bin Jerusalem.

¹²Tambe e man di Dios tabata riba Juda pa uni nan kurason, pa hasi loke rei i e prensnan a ordena pa medio di e palabra di SENOR.

¹³Awor hopi hende a reuni na Jerusalem pa selebra e Fiesta di Pan Sin Zurdeg den e di dos luna, un asamblea masha grandi mes.

¹⁴I nan a lanta i a kita e altarnan ku tabata na Jerusalem, tambe nan a kita tur e altarnan di sensia i a tira nan den Roi Kedron.

¹⁵Despues nan a mata e lamchinan di Pasku riba e di dieskuater dia di e di dos luna. I e saserdotenan i levitanan tabatin berguensa, i nan a konsagra nan mes, i a trese ofrendanan kima na e kas di SENOR.

¹⁶I nan a para na nan luga di kustumber, konforme e lei di Moises, e homber di Dios; e saserdotenan a sprengu e sanger ku nan a risibi for di man di e levitanan.

¹⁷Pasobra tabatin hopi hende den e asamblea ku no a konsagra nan mes; pesei e levitanan tabata enkarga ku e matamentu di e lamchinan di Pasku pa kada hende ku tabata impuru, pa asina konsagra nan na SENOR.

¹⁸Pasobra un multitut di e pueblo, esta, hopi hende di Efrain i Manases, Isakar i Zabulon, no a purifika nan mes; sinembargo, nan a kome e Pasku, kontrario na loke tabata preskribi. Pasobra Ezekias a hasi orashon pa nan, bisando: "Ku e bon SENOR pordona

¹⁹kada hende ku prepara su kurason pa buska Dios, e SENOR Dios di su tatanan, ounke no konforme e reglanan di purifikashon di e santuario."

²⁰Asina SENOR a tende Ezekias i a kura e pueblo.

²¹I e yunan di Israel ku tabata presente na Jerusalem a selebra e Fiesta di Pan Sin Zurdeg shete dia largu ku gran goso, i e levitanan i e saserdotenan tabata alaba SENOR dia tras dia i tabata kanta na Senor, akompana ku instrument ku ta zona duru.

²²E ora ei Ezekias a papia pa enkurasha tur e levitanan ku a mustra bon komprendementu den e kosnan di SENOR. Asina nan a kome durante di e shete dianan stipula, sakrifikando ofrendanan di pas i dunando gradisimentu na e SENOR Dios di nan tatanan.

²³Anto henter e asamblea a disidi di selebra e fiesta shete dia mas, asina nan a selebra e shete dianan ku goso.

²⁴Pasobra Ezekias, rei di Juda, a kontribui na e asamblea ku mil bishe machu i shete mil karne, i e prensnan a kontribui na e asamblea ku mil bishe machu i dies mil karne; i un kantidat grandi di saserdote a konsagra nan mes.

²⁵I henter e asamblea di Juda a regosiha huntu ku e saserdotenan i e levitanan i henter e asamblea ku a bin for di Israel, tantu e stranheronan ku a bin for di tera di Israel, komo esnan ku tabata biba na Juda.

²⁶Asina tabatin gran goso na Jerusalem, pasobra no tabatin algu manera esaki na Jerusalem desde e dianan di Salomon, yu homber di David, rei di Israel.

²⁷E ora ei e saserdotenan levitiko a lanta i a bendishona e pueblo; i nan bos a wordu tend! i nan orashon a yega na Su luga santu di biba, na shelu.