Read Papantla Totonac Esdras 1 Bible Online

Esdras 1 - Papantla Totonac bible

Esdras 1

¹Awor den e prome ana di Siro, rei di Persia, pa kumpli ku e palabra di SENOR duna pa medio di boka di Jeremias, SENOR a anima e spiritu di Siro, rei di Persia, asina ku el a manda un proklamashon den henter su reino, i tambe a skirbi esaki, bisando:i

²"Asina Siro, rei di Persia, ta bisa: 'SENOR, e Dios di shelu, a dunami tur e reinonan di tera, i El a nombrami pa traha un kas p'E na Jerusalem ku ta keda na Juda.

³Ken ku tin entre boso ku ta pertenese na Su pueblo, ku su Dios sea kune! Lagu'e bai Jerusalem ku ta keda na Juda, i rekonstrui e kas di SENOR, e Dios di Israel; E ta e Dios ku ta na Jerusalem.

⁴I tur sobrebibiente, na kualke luga ku e ta biba, laga e hendenan di e luga ei sosten'e ku plata i oro, ku biennan i ku bestianan di kria, huntu ku un ofrenda boluntario pa e kas di Dios ku ta keda na Jerusalem.'"

⁵E ora ei e kabesnan di e kasnan di e tatanan di Juda i Benjamin, i e saserdotenan i e levitanan, huntu ku tur esnan ku Dios a anima nan spiritu, a lanta pa bai rekonstrui e kas di SENOR ku ta keda na Jerusalem.

⁶I tur esnan ku tabata ront di nan a yuda nan ku artikulonan di plata, ku oro, ku biennan, ku bestianan di kria, i ku kosnan di balor, fuera di tur loke a wordu duna komo un ofrenda boluntario.

⁷Tambe rei Siro a saka e artikulonan di e kas di SENOR, ku Nabukodonosor a saka for di Jerusalem bai kune, i a pone nan den e kas di su diosnan;

⁸i Siro, rei di Persia, a laga saka nan pa medio di man di Mitridates, e tesorero, i el a konta nan pa Sesbasar, prens di Juda.

⁹Awor esaki tabata nan kantidat: 30 skalchi di oro, 1.000 skalchi di plata, 29 kuchu,

¹⁰30 komchi di oro, 410 komchi di plata di un otro klase, i 1.000 otro artikulo.

¹¹Tur e artikulonan di oro i di plata tabata 5.400. Sesbasar a trese nan tur huntu ku e eksiliadonan ku a subi bai for di Babilonia pa Jerusalem.