Read Papantla Totonac Esdras 10 Bible Online

Esdras 10 - Papantla Totonac bible

Esdras 10

¹Awor mientras ku Esdras tabata hasi orashon, i mientras ku e tabata hasi konfeshon, yora i tira su kurpa abou ku su kara te na suela dilanti di e kas di Dios, un asamblea masha grandi di homber, muhe i mucha a reuni serka dje for di Israel; pasobra e pueblo tabata yora amargamente.

²I Sekanias, yu homber di Jehiel, un di e yu hombernan di Elam, a kontesta i a bisa Esdras: "Nos tabata infiel na nos Dios i a kasa ku muhenan stranhero for di e pueblonan di e tera; tog awor, apesar di esaki, tin speransa pa Israel.

³Pesei anto, laga nos sera un aliansa ku nos Dios pa manda tur e muhenan i nan yunan bai, konforme e konseho di mi senor i di esnan ku ta tembla pa e mandamentu di nos Dios; i laga esaki sosode konforme e lei.

⁴Lanta! Pasobra e asunto aki ta bo responsabilidat, ma nos lo ta ku bo; tene kurashi i aktua."

⁵E ora ei Esdras a lanta i a hasi e saserdotenan prinsipal, e levitanan i henter Israel hura ku nan lo hasi konforme e proposishon aki; i asina nan a hura.

⁶Anto Esdras a lanta for di dilanti di e kas di Dios i a bai den kamber di Johanan, yu homber di Eliasib. I ora ku el a yega ayanan, e no a kome pan ni bebe awa, pasobra e tabata lamenta e infieldat di e eksiliadonan.

⁷I nan a hasi un proklamashon den henter Juda i Jerusalem pa tur e eksiliadonan, ku nan mester reuni na Jerusalem,

⁸i ku ken ku no kier a bin denter di tres dia, konforme e konseho di e lidernan i e ansianonan, tur su propiedatnan mester wordu konfiska i e mes keda eksklui for di e asamblea di e eksiliadonan.

⁹Asina tur e hombernan di Juda i Benjamin a reuni na Jerusalem denter di tres dia. Tabata e di nuebe luna riba e di binti dia di e luna, i henter e pueblo tabata sinta riba e plenchi dilanti di e kas di Dios, temblando pa motibu di e asunto aki i pa motibu di e awaseru pisa.

¹⁰E ora ei saserdote Esdras a lanta para i a bisa nan: "Boso tabata infiel i a kasa ku muhenan stranhero, i asina boso a anadi na e kulpa di Israel.

¹¹Pesei anto, hasi konfeshon na e SENOR Dios di boso tatanan, i hasi Su boluntat; i separa boso mes for di e pueblonan di e tera i for di e esposanan stranhero."

¹²E ora ei henter e asamblea a kontesta i a bisa na bos haltu: "Bo tin rason! Manera bo a bisa, asina ta nos deber di hasi.

¹³Ma e hendenan ta hopi, ta tempu di awaseru, asina ku nos no por para pafo. Ni e tarea no por wordu hasi den un of dos dia, pasobra nos a transgresa grandemente den e asunto aki.

¹⁴Laga nos lidernan representa henter e asamblea, i laga tur esnan den nos statnan ku a kasa ku muhenan stranhero bin na oranan stipula, huntu ku e ansianonan i huesnan di kada stat, te ora ku e rabia ardiente di nos Dios, pa motibu di e asunto aki, wordu kita for di riba nos."

¹⁵Solamente Jonatan, yu homber di Asael, i Jahasias, yu homber di Tikva, a opone esaki, huntu ku Mesulam i Sabetai, e levita ku tabata apoya nan.

¹⁶Ma e eksiliadonan a hasi asina. I saserdote Esdras a skohe hombernan ku tabata kabesnan di e kasnan di e tatanan pa kada un di e kasnan di nan tatanan, tur na nan nomber. Asina nan a bin huntu riba e prome dia di e di dies luna pa investiga e asunto.

¹⁷I e prome dia di e prome luna nan a kaba di investiga tur e hombernan ku a kasa ku muhenan stranhero.

¹⁸I entre e yu hombernan di e saserdotenan ku a kasa ku muhenan stranhero nan a hana di e yu hombernan di Jesua, yu homber di Josadak, i su ruman hombernan: Maaseias, Eliezer, Jarib i Gedalias.

¹⁹I nan a hasi un promesa pa manda nan esposanan bai, i pasobra nan tabata kulpabel, nan a ofrese un karne chubatu for di e kria di bestia chikitu pa nan transgreshon.

²⁰I di e yu hombernan di Imer: Hanani i Zebadias;

²¹i di e yu hombernan di Harim: Maaseias, Elias, Semaias, Jehiel i Uzias;

²²i di e yu hombernan di Pasur: Elioenai, Maaseias, Ismael, Natanael, Jozabad i Elasa.

²³I di e levitanan: Jozabad, Simei, Kelaia, (esta, Kelita), Petaias, Juda i Eliezer.

²⁴I di e kantadonan: Eliasib; i di e wardadonan-di-porta: Salum, Telem i Uri.

²⁵I di Israel: di e yu hombernan di Paros: Ramia, Jezias, Malkias, Mijamin, Eleazar, Malkias i Benaia;

²⁶i di e yu hombernan di Elam: Matanias, Zakarias, Jehiel, Abdi, Jeremot i Elias;

²⁷i di e yu hombernan di Zatu: Elioenai, Eliasib, Matanias, Jeremot, Zabad i Aziza;

²⁸i di e yu hombernan di Bebai: Johanan, Hananias, Zabai i Atlai;

²⁹i di e yu hombernan di Bani: Mesulam, Maluk i Adaia, Jasub, Seal i Ramot;

³⁰i di e yu hombernan di Pahat-moab: Adna, Kelal, Benaia, Maaseias, Matanias, Bezaleel, Binui i Manases;

³¹i di e yu hombernan di Harim: Eliezer, Isias, Malkias, Semaias, Simeon,

³²Benjamin, Maluk i Semarias;

³³di e yu hombernan di Hasum: Matenai, Matata, Zabad, Elifelet, Jeremai, Manases i Simei;

³⁴di e yu hombernan di Bani: Maadai, Amram, Uel,

³⁵Benaia, Bedias, Keluhi,

³⁶Vanias, Meremot, Eliasib,

³⁷Matanias, Matenai, Jaasai,

³⁸Bani, Binui, Simei,

³⁹Selemias, Natan, Adaia,

⁴⁰Maknadebai, Sasai, Sarai,

⁴¹Azareel, Selemias, Semarias,

⁴²Salum, Amarias i Jose.

⁴³Di e yu hombernan di Nebo: Jeiel, Matitias, Zabad, Zebina, Jadau, Joel i Benaia.

⁴⁴Tur esakinan a kasa ku muhenan stranhero, i algun di nan tabatin esposa ku nan tabatin yu kune.