Read Papantla Totonac Esdras 5 Bible Online

Esdras 5 - Papantla Totonac bible

Esdras 5

¹Ora ku e profetanan, profeta Hageo i Zakarias, yu homber di Ido, a profetisa na e hudiunan ku tabata na Juda i Jerusalem, den e nomber di e Dios di Israel, Kende tabata riba nan,

²Zorobabel, yu homber di Salatiel, i Jesua, yu homber di Josadak, a lanta i a kuminsa rekonstrui e kas di Dios ku ta keda na Jerusalem; i e profetanan di Dios tabata huntu ku nan pa apoya nan.

³E tempu ei Tatnai, gobernado di e provinsia na e otro banda di Riu Eufrates, i Setar-boznai i nan kompaneronan, a bin serka nan i a papia ku nan asin'aki: "Ta ken a saka un dekreto pa boso rekonstrui e tempel aki i pa kaba e konstrukshon aki?"

⁴E ora ei nos a bisa nan e nombernan di e hombernan ku tabata rekonstrui e edifisio aki.

⁵Ma wowo di nan Dios tabata riba e ansianonan di e hudiunan, i nan no a stop nan te ora Dario a hana un relato di e asunto, i e ora ei un kontesta por eskrito tokante di esaki a wordu manda.

⁶Esaki ta kopia di e karta ku Tatnai, gobernado di e provinsia na e otro banda di Riu Eufrates, i Setar-boznai i su kompaneronan, e ofisialnan ku tabata na e otro banda di Riu Eufrates, a manda pa rei Dario.

⁷Nan a manda un relato p'e den kual tabata para skirbi asin'aki:i "Na rei Dario,i "Tur pas.

⁸"Laga ta konosi na rei ku nos a bai na e provinsia di Juda, na e kas di e gran Dios, ku ta wordu traha ku piedranan masha grandi mes, ku balkinan ta wordu poni den e murayanan i e trabou aki ta progresa ku masha perkurashon i ta prospera den nan man.

⁹"E ora ei nos a puntra e ansianonan ei i a bisa nan asin'aki: 'Ta ken a saka un dekreto ku boso mester rekonstrui e tempel aki i kaba e konstrukshon aki?'

¹⁰Tambe nos a puntra nan nan nomber, pa ponebo na haltura i pa nos por a skirbi nomber di e hombernan ku tabata para na kabes.

¹¹"I asin'aki nan a kontesta nos, bisando: 'Nos ta e sirbidonan di e Dios di shelu i tera, i nos ta rekonstruyendo e tempel ku a wordu traha hopi ana pasa, ku un gran rei di Israel a traha i a termina.

¹²Ma pasobra nos tatanan a proboka e Dios di shelu na rabia, El a entrega nan den man di Nabukodonosor, rei di Babilonia, e kaldeo, kende a destrui e tempel aki i a deporta e pueblo pa Babilonia.

¹³'Sinembargo, den e prome ana di Siro, rei di Babilonia, rei Siro a saka un dekreto pa rekonstrui e kas aki di Dios.

¹⁴I tambe e artikulonan-di-uzo di oro i di plata di e kas di Dios, ku Nabukodonosor a kohe for di e tempel na Jerusalem, i a hiba na e tempel di Babilonia, esakinan rei Siro a kohe for di e tempel di Babilonia. 'I nan a wordu duna na un tal Sesbasar, kende el a nombra komo gobernado.

¹⁵I el a bis'e: "Kohe e artikulonan-di-uzo aki, bai pone nan den e tempel na Jerusalem, i laga e kas di Dios wordu rekonstrui na su luga."

¹⁶E ora ei e Sesbasar ei a bin pone e fundeshinan di e kas di Dios na Jerusalem; i for di e tempu ei te awor e ta den konstrukshon, i te ainda e no ta kla.'

¹⁷"I awor, si ta agrada rei, laga hasi un investigashon den e kas-di-warda-tesoro di rei, ku ta keda aya na Babilonia, si ta asina ku ta rei Siro a saka un dekreto pa rekonstrui e kas di Dios aki na Jerusalem. I laga rei manda nos su desishon tokante di e asunto aki."