Read Papantla Totonac Esdras 7 Bible Online

Esdras 7 - Papantla Totonac bible

Esdras 7

¹Awor despues di e kosnan aki, durante di e reinado di Artaherhes, rei di Persia, Esdras, yu homber di Seraias, yu homber di Azarias, yu homber di Hilkias,

²yu homber di Salum, yu homber di Sadok, yu homber di Ahitob,

³yu homber di Amarias, yu homber di Azarias, yu homber di Meraiot,

⁴yu homber di Zeraias, yu homber di Uzi, yu homber di Buki,

⁵yu homber di Abisua, yu homber di Finees, yu homber di Eleazar, yu homber di Aaron, e saserdote prinsipal--

⁶e Esdras aki a sali for di Babilonia. E tabata un eskriba bon sina den e lei di Moises, ku e SENOR Dios di Israel a duna; i rei a dun'e tur loke e tabata pidi, pasobra e man di SENOR su Dios tabata riba dje.

⁷I algun di e yunan di Israel i algun di e saserdotenan, e levitanan, e kantadonan, e wardadonan-di-porta i e sirbidonan di tempel a bai Jerusalem den e di shete ana di rei Artaherhes.

⁸I el a yega Jerusalem den e di sinku luna ku tabata den e di shete ana di rei.

⁹Pasobra riba e prome dia di e prome luna el a kuminsa e biahe for di Babilonia; i riba e prome dia di e di sinku luna el a yega Jerusalem, pasobra e bon man di su Dios tabata riba dje.

¹⁰Pasobra Esdras a dedika su kurason pa studia e lei di SENOR i pa pon'e na praktika, i pa sina e hendenan di Israel Su statutonan i ordenansanan.

¹¹Awor esaki ta e kopia di e dekreto ku rei Artaherhes a duna saserdote Esdras, e eskriba, kende tabata sina den e palabranan di e mandamentunan di SENOR i Su statutonan pa Israel:i

¹²"Artaherhes, rei di reinan,i "Na saserdote Esdras, eskriba di e lei di e Dios di shelu,i "Pas perfekto.

¹³"I awor mi a saka un dekreto ku kualkier hende di e pueblo di Israel, nan saserdotenan i e levitanan den mi reino, ku ta dispuesto pa bai Jerusalem, por bai huntu ku bo.

¹⁴Komo ku ta rei i su shete konseheronan ta mandabo pa investiga tokante di Juda i Jerusalem, konforme e lei di bo Dios ku ta den bo man,

¹⁵i pa hiba e plata i oro ku rei i su konseheronan a ofrese boluntariamente na e Dios di Israel, Kende Su luga di biba ta na Jerusalem,

¹⁶ku tur e plata i oro ku bo ta hana den henter e provinsia di Babilonia, huntu ku e ofrenda boluntario di e pueblo i di e saserdotenan, kendenan a ofrese boluntariamente pa e kas di nan Dios ku ta keda na Jerusalem;

¹⁷pesei, perkura pa bo kumpra ku e plaka aki bishe machu, karne chubatu i lamchi, huntu ku nan ofrendanan di mainshi i nan ofrendanan di bibida, i ofrese nan riba e altar di e kas di boso Dios ku ta keda na Jerusalem.

¹⁸"I tur loke abo i bo rumannan hana ta bon pa hasi ku restu di e plata i oro, boso mag hasi konforme e boluntat di boso Dios.

¹⁹Tambe e artikulonan-di-uzo ku nan a dunabo pa e sirbishi di e kas di bo Dios, entrega tur eseinan dilanti di e Dios di Jerusalem.

²⁰I e restu di e nesesidatnan pa e kas di bo Dios, ku ta nesesario pa duna, duna esei for di e luga-di-warda-tesoro di rei.

²¹"I ami, rei Artaherhes, ta saka un dekreto pa tur e tesoreronan ku ta den e provinsianan na e otro banda di Riu Eufrates, ku kiko ku saserdote Esdras, eskriba di e lei di e Dios di shelu, pidi di boso, mester wordu hasi ku diligensia,

²²te ku shen talento di plata, shen koro di trigo, shen bato di bina, shen bato di zeta i salu sin midi.

²³Kiko ku e Dios di shelu ordena, mester wordu hasi ku tur diligensia pa e kas di e Dios di shelu, pa no bin furia kontra e reino di rei i su yunan.

²⁴Tambe nos ta pone boso na haltura ku no ta permiti pa impone belasting, ni tributo, ni tol riba ningun di e saserdotenan, levitanan, kantadonan, wardadonan-di-porta, ni sirbidonan di tempel, ni riba sirbidonan di e kas aki di Dios.

²⁵"I abo, Esdras, konforme e sabiduria ku bo Dios a dunabo, nombra gobernadonan i huesnan pa nan huzga henter e pueblo ku ta den e provinsia na e otro banda di Riu Eufrates, tur esnan ku konose e leinan di bo Dios; i sina esnan ku no konose nan.

²⁶I ken ku no kumpli ku e lei di bo Dios i e lei di rei, laga huisio wordu ehekuta mesora riba dje, sea pa morto of pa deportashon, of pa konfiskashon di biennan of pa wordu sera den prizon."

²⁷Bendishona sea SENOR, e Dios di nos tatanan, Kende a pone un kos asin'aki den kurason di rei, pa dorna e kas di SENOR ku ta keda na Jerusalem hasie bunita,

²⁸i Kende a ekstende miserikordia na mi serka rei i su konseheronan i serka tur e prensnan poderoso di rei. Asina mi a wordu fortalesi, pasobra e man di SENOR mi Dios tabata riba mi, i for di Israel mi a reuni hombernan lider pa bai huntu ku mi.