Read Papantla Totonac Nehemias 10 Bible Online

Nehemias 10 - Papantla Totonac bible

Nehemias 10

¹Awor riba e dokumento seya tabatin e nombernan di: Gobernado Nehemias, yu homber di Hakalias, i Sedekias,

²Seraias, Azarias, Jeremias,

³Pasur, Amarias, Malkias,

⁴Hatus, Sebanias, Maluk,

⁵Harim, Meremot, Obadias,

⁶Daniel, Gineton, Baruk,

⁷Mesulam, Abias, Mijamin,

⁸Maazias, Bilgai, Semaias. Esakinan tabata e saserdotenan.i

⁹I e levitanan: Jesua, yu homber di Azanias, Binui di e yu hombernan di Henadad, Kadmiel;

¹⁰tambe nan ruman hombernan: Sebanias, Hodias, Kelita, Pelaias, Hanan,

¹¹Mika, Rehob, Hasabias,

¹²Zakur, Serebias, Sebanias,

¹³Hodias, Bani, Beninu.i

¹⁴E lidernan di e pueblo: Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonias, Bigvai, Adin,

¹⁷Ater, Ezekias, Azur,

¹⁸Hodias, Hasum, Bezai,

¹⁹Harif, Anatot, Nebai,

²⁰Magpias, Mesulam, Hezir,

²¹Mesezabel, Sadok, Jadua,

²²Pelatias, Hanan, Anaias,

²³Oseas, Hananias, Hasub,

²⁴Halohes, Pilha, Sobek,

²⁵Rehum, Hasabna, Maaseias,

²⁶Ahias, Hanan, Anan,

²⁷Maluk, Harim i Baana.

²⁸"Awor e restu di e pueblo, e saserdotenan, e levitanan, e wardadonan-di-porta, e kantadonan, e sirbidonan di tempel, i tur esnan ku a separa nan mes for di e pueblonan di e teranan pa kumpli ku e lei di Dios, nan esposanan, nan yu hombernan i nan yu muhenan, tur esnan ku tabatin konosementu i komprendementu,

²⁹ta uni nan mes ku nan rumannan, nan nobelnan, i ta pone nan mes bou di un maldishon i un huramentu pa kana den e lei di Dios ku a wordu duna pa medio di Moises, e sirbido di Dios, i pa warda i kumpli ku tur e mandamentunan di DIOS nos Senor, i Su ordenansanan i Su statutonan.

³⁰"Nos ta priminti ku nos lo no duna nos yu muhenan na e pueblonan di e tera, ni tuma nan yu muhenan pa nos yu hombernan.

³¹"Pa loke ta e pueblonan di e tera ku ta trese merkansia of mainshi pa bende riba dia di sabat, nos lo no kumpra serka nan riba dia di sabat, ni riba un dia santu; i e di shete ana nos lo laga e tera sosega i lo no kobra ningun debe.

³²"Tambe nos a pone nos mes bou di obligashon pa tur ana kontribui ku un di tres parti di un siklo pa e sirbishi di e kas di nos Dios:

³³pa e pan di proposishon, pa e ofrenda di mainshi kontinuo, pa e ofrenda kima kontinuo, pa e sabatnan, e lunanan nobo, pa e tempunan stipula, pa e kosnan santu i pa e ofrendanan pa pika pa hasi ekspiashon pa Israel, i pa tur e trabou di e kas di nos Dios.

³⁴"Na mes manera nos a tira lot entre e saserdotenan, e levitanan i e pueblo enkuanto e provishon di palu, pa nan trese esaki den e kas di nos Dios, konforme e kasnan di nos tatanan, na tempunan stipula di tur ana, pa kima riba e altar di SENOR nos Dios, manera ta para skirbi den lei.

³⁵"I pa nan trese e prome frutanan di nos suela i e prome frutanan di tur fruta di tur palu na e kas di SENOR tur ana,

³⁶i trese na e kas di nos Dios e primogenitonan di nos yu hombernan i di nos bestianan, i e primogenitonan di nos krianan di baka i di nos tounan di bestia chikitu, manera ta para skirbi den lei, pa e saserdotenan ku ta sirbi den e kas di nos Dios.

³⁷"Tambe nos lo trese e prome produktonan di nos mansa, nos kontribushonnan, e frutanan di tur palu, e bina nobo i e zeta pa e saserdotenan na e kambernan di e kas di nos Dios, i e diesmo di nos suela pa e levitanan, pasobra ta e levitanan ta esnan ku ta risibi e diesmonan den e statnan di agrikultura.

³⁸I e saserdote, yu homber di Aaron, mester ta huntu ku e levitanan ora ku e levitanan ta risibi e diesmonan, i e levitanan mester trese un desimo parti di e diesmonan na e kas di nos Dios, na e kambernan di deposito.

³⁹Pasobra e yu hombernan di Israel i e yu hombernan di Levi mester trese e kontribushon di mainshi, e bina nobo i e zeta na e kambernan; ayanan e artikulonan-di-uzo di e santuario, e saserdotenan ku ta sirbi, e wardadonan-di-porta i e kantadonan ta. "Asina nos lo no neglisha e kas di nos Dios."