Read Papantla Totonac Nehemias 11 Bible Online

Nehemias 11 - Papantla Totonac bible

Nehemias 11

¹Awor e lidernan di e pueblo tabata biba na Jerusalem, ma e restu di e pueblo ta tira lot pa trese un di kada dies pa biba na Jerusalem, e stat santu, mientras ku nuebe-desimo parti a keda den e otro statnan.

²I e pueblo a bendishona tur e hombernan ku a ofrese nan mes boluntariamente pa biba na Jerusalem.

³Awor esakinan ta e kabesantenan di e provinsianan ku tabata biba na Jerusalem, ma den e statnan di Juda kada un tabata biba den su mes propiedat den nan statnan: e israelitanan, e saserdotenan, e levitanan, e sirbidonan di tempel i e desendientenan di e sirbidonan di Salomon.

⁴I algun di e yu hombernan di Juda i algun di e yu hombernan di Benjamin tabata biba na Jerusalem. For di e yu hombernan di Juda:i Ataias, yu homber di Uzias, yu homber di Zakarias, yu homber di Amarias, yu homber di Sefatias, yu homber di Mahalaleel, di e yu hombernan di Fares;

⁵i Maaseias, yu homber di Baruk, yu homber di Kolhoze, yu homber di Hazaias, yu homber di Adaias, yu homber di Joiarib, yu homber di Zakarias, yu homber di e silonita.

⁶Tur e yu hombernan di Fares ku tabata biba na Jerusalem tabata 468 homber kapas.

⁷Awor esakinan ta e yu hombernan di Benjamin:i Salu, yu homber di Mesulam, yu homber di Joed, yu homber di Pedaias, yu homber di Kolaias, yu homber di Maaseias, yu homber di Itiel, yu homber di Jesaias;

⁸i despues di dje Gabai i Salai, 928.

⁹I Joel, yu homber di Zikri, tabata nan mayordomo, i Juda, yu homber di Senua, tabata e di dos komandante di e stat.

¹⁰For di e saserdotenan:i Jedaias, yu homber di Joiarib, Jakin,

¹¹Seraias, yu homber di Hilkias, yu homber di Mesulam, yu homber di Sadok, yu homber di Meraiot, yu homber di Ahitob, lider di e kas di Dios,

¹²i nan rumannan ku tabata hasi e trabou di tempel, 822; i Adaias, yu homber di Jeroham, yu homber di Pelalias, yu homber di Amsi, yu homber di Zakarias, yu homber di Pasur, yu homber di Malkias,

¹³i su rumannan, kabesnan di e kasnan di e tatanan, 242; i Amasai, yu homber di Azareel, yu homber di Azai, yu homber di Mesilemot, yu homber di Imer,

¹⁴i nan ruman hombernan, guereronan balente, 128. I nan mayordomo tabata Zabdiel, yu homber di Gedolim.

¹⁵Awor for di e levitanan:i Semaias, yu homber di Hasub, yu homber di Azrikam, yu homber di Hasabias, yu homber di Buni;

¹⁶i Sabetai i Jozabad, for di e lidernan di e levitanan, kendenan tabata enkarga ku e trabou pafo di e kas di Dios;

¹⁷i Matanias, yu homber di Mika, yu homber di Zabdi, yu homber di Asaf, kende tabata e lider ku na tempu di orashon tabata kuminsa ku e dunamentu di gradisimentu, i Bakbukias, e di dos den su rumannan; i Abda, yu homber di Samua, yu homber di Galal, yu homber di Jedutun.

¹⁸Tur e levitanan den e stat santu tabata 284.

¹⁹Tambe e wardadonan-di-porta:i Akub, Talmon i nan ruman hombernan ku tabata tene warda na e portanan, tabata 172.

²⁰I e restu di Israel, di e saserdotenan i di e levitanan, tabata den tur e statnan di Juda, kada un den su mes erensia.

²¹Ma e sirbidonan di tempel tabata biba na Ofel, i Ziha i Gispa tabatin e sirbidonan di tempel na nan enkargo.

²²Awor e mayordomo di e levitanan na Jerusalem tabata Uzi, yu homber di Bani, yu homber di Hasabias, yu homber di Matanias, yu homber di Mika, for di e yu hombernan di Asaf, kendenan tabata e kantadonan pa e sirbishi di e kas di Dios.

²³Pasobra tabatin un mandamentu di rei tokante di nan, ku un sierto porshon mester bai pa e kantadonan, un porshon pa kada dia.

²⁴I Petaias, yu homber di Mesezabel, di e yu hombernan di Zera, yu homber di Juda, tabata e representante di rei den tur asunto tokante di e pueblo.

²⁵Awor pa loke ta e pueblitonan ku nan kunukunan: algun di e yu hombernan di Juda tabata biba na Kiriat-arba ku su statnan, na Dibon ku su statnan i na Jekabseel ku su pueblitonan,

²⁶i na Jesua, na Molada i Bet-pelet,

²⁷i na Hazar-sual, na Beerseba ku su statnan,

²⁸i na Siklag, na Mekona i na su statnan,

²⁹i na En-rimon, na Zora i na Jarmut,

³⁰Zanoa, Adulam i nan pueblitonan, Lakis i su kunukunan, Azeka ku su statnan. Asina nan a kampa for di Beerseba te na e vaye di Hinom.

³¹E yu hombernan di Benjamin tambe tabata biba for di Geba te na Mikmas i Aia, na Bet-el ku su statnan,

³²na Anatot, Nob, Ananias,

³³Hazor, Rama, Gitaim,

³⁴Hadid, Seboim, Nebalat,

³⁵Lod i Ono, e vaye di hombernan di ofishi.

³⁶I di e levitanan algun divishon na Juda tabata pertenese na Benjamin.