Read Papantla Totonac Nehemias 12 Bible Online

Nehemias 12 - Papantla Totonac bible

Nehemias 12

¹Awor esakinan ta e saserdotenan i e levitanan ku a bin ku Zorobabel, yu homber di Salatiel, i Jesua: Seraias, Jeremias, Esdras,

²Amarias, Maluk, Hatus,

³Sekanias, Rehum, Meremot,

⁴Ido, Gineto, Abias,

⁵Mijamin, Maadias, Bilga,

⁶Semaias i Joiarib, Jedaias,

⁷Salu, Amok, Hilkias i Jedaias. Esakinan tabata e kabesantenan di e saserdotenan i nan rumannan den e dianan di Jesua.

⁸I e levitanan tabata: Jesua, Binui, Kadmiel, Serebias, Juda, i Matanias, kende tabata enkarga ku e kantikanan di gradisimentu, e ku su ruman hombernan.

⁹Tambe Bakbukias i Uni, nan ruman hombernan, tabata para enfrente di nan konforme nan divishonnan di sirbishi.

¹⁰I Jesua a engendra Joiakim, i Joiakim a engendra Eliasib, i Eliasib a engendra Joiada,

¹¹i Joiada a engendra Jonatan, i Jonatan a engendra Jadua.

¹²Awor den e dianan di Joiakim e saserdotenan, e kabesnan di e kasnan di e tatanan tabata: di Seraias, Meraias; di Jeremias, Hananias;

¹³di Esdras, Mesulam; di Amarias, Johanan;

¹⁴di Meliku, Jonatan; di Sebanias, Jose;

¹⁵di Harim, Adna; di Meraiot, Helkai;

¹⁶di Ido, Zakarias; di Gineton, Mesulam;

¹⁷di Abias, Zikri; di Miniamin, di Moadias, Piltai;

¹⁸di Bilga, Samua; di Semaias, Jonatan;

¹⁹di Joiarib, Matenai; di Jedaias, Uzi;

²⁰di Salai, Kalai; di Amok, Heber;

²¹di Hilkias, Hasabias; di Jedaias, Natanael.

²²Pa loke ta e levitanan, e kabesnan di e kasnan di e tatanan a wordu registra den e dianan di Eliasib, Joiada, Johanan i Jadua; i tambe e saserdotenan durante di e reinado di Dario e perso.

²³E yu hombernan di Levi, e kabesnan di e kasnan di e tatanan, tabata registra den e Buki di Kronikanan te na e dianan di Johanan, yu homber di Eliasib.

²⁴I e kabesantenan di e levitanan tabata Hasabias, Serebias i Jesua, yu homber di Kadmiel, ku nan ruman hombernan dilanti di nan, pa alaba i duna gradisimentu, manera David, e homber di Dios, a ordena--un grupo korespondiendo ku otro grupo.

²⁵Matanias i Bakbukias, Obadias, Mesulam, Talmon i Akub tabata wardadonan-di-porta, kendenan tabata tene warda na e depositonan ku ta keda na e portanan.

²⁶Esakinan tabata sirbi den e dianan di Joiakim, yu homber di Jesua, yu homber di Josadak, i den e dianan di gobernado Nehemias i di Esdras, e saserdote i eskriba.

²⁷Awor na e dedikashon di e muraya di Jerusalem nan a buska e levitanan for di tur nan luganan, pa trese nan Jerusalem, pa nan selebra e dedikashon ku alegria, ku himno di gradisimentu i ku kantika akompana ku simbal, arpa i lirio.

²⁸Asina e yu hombernan di e kantadonan a wordu reuni for di e distrikto ront di Jerusalem, i for di e pueblitonan di e netofatitanan,

²⁹for di Bet-gilgal i for di nan kunukunan na Geba i Azmavet, pasobra e kantadonan a traha pueblitonan pa nan mes ront di Jerusalem.

³⁰I e saserdotenan i e levitanan a purifika nan mes; tambe nan a purifika e pueblo, e portanan i e muraya.

³¹E ora ei mi a hasi e lidernan di Juda subi riba e muraya, i mi a nombra dos kor grandi; e prome a bai na man drechi riba e muraya den direkshon di e Porta di Mest.

³²Osaias i mitar di e grupo di lidernan di Juda a sigui nan,

³³ku Azarias, Esdras, Mesulam,

³⁴Juda, Benjamin, Semaias, Jeremias,

³⁵i algun di e yu hombernan di e saserdotenan ku trompet; i Zakarias, yu homber di Jonatan, yu homber di Semaias, yu homber di Matanias, yu homber di Mikaias, yu homber di Zakur, yu homber di Asaf,

³⁶i su rumannan: Semaias, Azareel, Milalai, Gilalai, Maai, Natanael, Juda i Hanani, ku e instrumentnan di muzik di David, e homber di Dios. I Esdras, e eskriba, a bai nan dilanti.

³⁷I na e Porta di Fuente, net nan dilanti, nan a subi e trapinan di e Stat di David, kaminda e muraya ta bai ariba, banda di e kas di David, te na e Porta di Awa, parti pariba.

³⁸E di dos kor a bai na man robes, mientras ku mi tabata sigui nan ku mitar di e hendenan riba muraya, banda di e Toren di Fornunan, te na e Muraya Hanchu,

³⁹i banda di e Porta di Efrain, e Porta Bieu i e Porta di Piska, banda di e Toren di Hananeel i e Toren di Shen, te na e Porta di Karne; i nan a keda para na e Porta di Guardia.

⁴⁰E ora ei e dos kornan a para na nan luga den e kas di Dios. Asina ami tambe a hasi i mitar di e ofisialnan huntu ku mi;

⁴¹i e saserdotenan Eliakim, Maaseias, Miniamin, Mikaias, Elioenai, Zakarias i Hananias, ku e trompetnan;

⁴²i tambe Maaseias, Semaias, Eleazar, Uzi, Johanan, Malkias, Elam i Ezer. I e kantadonan tabata kanta, huntu ku Izrahias, nan dirigent,

⁴³i e dia ei nan a ofrese gran sakrifisionan i a regosiha, pasobra Dios a duna nan gran goso; e muhenan i muchanan tambe tabata regosiha, asina ku por a tende e goso di Jerusalem for di leu.

⁴⁴Riba e dia ei hombernan a wordu nombra tambe pa tin enkargo di e depositonan pa e kontribushonnan, e prome frutanan i e diesmonan. For di e kunukunan ront di e statnan nan mester a trese den e depositonan e porshonnan ku lei ta rekeri pa e saserdotenan i levitanan, pasobra Juda tabata masha kontentu ku e saserdotenan i levitanan ku tabata sirbi.

⁴⁵Pasobra ta nan tabata perkura pa e sirbishi di nan Dios i e sirbishi di purifikashon, huntu ku e kantadonan i e wardadonan-di-porta konforme e ordu di David i di su yu homber Salomon.

⁴⁶Pasobra den e dianan di David i Asaf, den tempunan antiguo, tabatin dirigentnan di e kantadonan, kantikanan di alabansa i himnonan di gradisimentu na Dios.

⁴⁷I asina henter Israel, den e dianan di Zorobabel i Nehemias, a duna e porshonnan debi na e kantadonan i e wardadonan-di-porta, segun e nesesidat di kada dia, i a aparta e porshon konsagra pa e levitanan; i e levitanan a aparta e porshon konsagra pa e yu hombernan di Aaron.