Read Papantla Totonac Nehemias 3 Bible Online

Nehemias 3 - Papantla Totonac bible

Nehemias 3

¹E ora ei sumosaserdote Eliasib a lanta huntu ku su rumannan, e saserdotenan, i a traha e Porta di Karne; nan a konsagr'e i a kologa su portanan. Nan a konsagra e muraya di e Toren di Shen i e Toren di Hananeel.

²Banda di dje e hombernan di Jeriko a traha, i banda di nan Zakur, yu homber di Imri, a traha.

³Awor e yu hombernan di Senaa a traha e Porta di Piska; nan a pone su balkinan i a kologa su portanan ku su boltnan i baranan.

⁴I banda di nan Meremot, yu homber di Urias, yu homber di Kos, a hasi reparashon. I banda di dje Mesulam, yu homber di Berekias, yu homber di Mesezabel, a hasi reparashon. I banda di dje Sadok, yu homber di Baana, tambe a hasi reparashon.

⁵Ademas, banda di dje e tekoitanan a hasi reparashon, ma nan nobelnan no a apoya e trabou di nan shonnan.

⁶I Joiada, yu homber di Paseah, i Mesulam, yu homber di Besodias, a drecha e Porta Bieu; nan a pone su balkinan i a kologa su portanan ku su boltnan i su baranan.

⁷Banda di nan Melatias e gabaonita, Jadon e meronotita, e hombernan di Gabaon i di Mizpa, tambe a hasi reparashon pa e asiento ofisial di e gobernado di e provinsia na e otro banda di Riu Eufrates.

⁸Banda di dje Uziel, yu homber di Harhaia, un di e platenan, a hasi reparashon. I banda di dje Hananias, un di e trahadonan di perfume, a hasi reparashon, i nan a restora Jerusalem te na e Muraya Hanchu.

⁹I banda di nan Refaias, yu homber di Hur, ofisial di e mitar distrikto di Jerusalem, a hasi reparashon.

¹⁰Banda di nan Jedaias, yu homber di Harumaf, a hasi reparashon enfrente di su kas. I banda di dje Hatus, yu homber di Hasabnias, a hasi reparashon.

¹¹Malkias, yu homber di Harim, i Hasub, yu homber di Pahat-moab, a drecha un otro sekshon i e Toren di Fornunan.

¹²I banda di dje Salum, yu homber di Halohes, ofisial di e mitar distrikto di Jerusalem, a hasi reparashon, e ku su yu muhenan.

¹³Hanun i e habitantenan di Zanoa a drecha e Porta di Vaye. Nan a trah'e i a kologa su portanan ku su boltnan i su baranan, i mil kodo di e muraya te na e Porta di Mest.

¹⁴I Malkias, yu homber di Rekab, ofisial di e distrikto di Bet-hakerem, a drecha e Porta di Mest. El a trah'e i a kologa su portanan ku su boltnan i su baranan.

¹⁵Salum, yu homber di Kolhoze, ofisial di e distrikto di Mizpa, a drecha e Porta di Fuente. El a trah'e, a fur'e i a kologa su portanan ku su boltnan i su baranan, i e muraya di e Tanki di Awa di Siloe na e hofi di rei te na e trapinan ku ta baha for di e stat di David.

¹⁶Despues di dje Nehemias, yu homber di Azbuk, ofisial di e mitar distrikto di Bet-sur, a hasi reparashon te na un punto enfrente di e tumbanan di David, i te na e tanki-di-awa artifisial i te na e Kas di e Hombernan Poderoso.

¹⁷Despues di dje e levitanan a hasi reparashon bou di mando di Rehum, yu homber di Bani. Banda di dje Hasabias, ofisial di e mitar distrikto di Keila, a hasi reparashon pa su distrikto.

¹⁸Despues di dje nan ruman hombernan a hasi reparashon bou di mando di Bavai, yu homber di Henadad, ofisial di e otro mitar distrikto di Keila.

¹⁹I banda di dje Ezer, yu homber di Jesua, e ofisial di Mizpa, a drecha un otro sekshon dilanti di e subida di e luga di warda arma na e Angulo.

²⁰Despues di dje Baruk, yu homber di Zabai, a drecha un otro sekshon ku masha animo, for di e Angulo te na entrada di e kas di sumosaserdote Eliasib.

²¹Despues di dje Meremot, yu homber di Urias, yu homber di Kos, a drecha un otro sekshon, for di entrada di e kas di Eliasib te na fin di su kas.

²²I despues di dje e saserdotenan, e hombernan di e vaye, a hasi reparashon.

²³Despues di nan Benjamin i Hasub a hasi reparashon dilanti di nan kas. Despues di nan Azarias, yu homber di Maaseias, yu homber di Ananias, a hasi reparashon banda di su kas.

²⁴Despues di dje Binui, yu homber di Henadad, a drecha un otro sekshon, for di e kas di Azarias te na e Angulo i te na e skina.

²⁵Palal, yu homber di Uzai, a hasi reparashon dilanti di e Angulo i e toren haltu ku ta sali for di e kas-ariba di rei, ku ta keda na e plenchi di e guardia. Despues di dje Pedaias, yu homber di Faros, a hasi reparashon.

²⁶I e sirbidonan di tempel ku tabata biba na Ofel a hasi reparashon te dilanti di e Porta di Awa, parti pariba, i e toren ku ta sali for di e kas-ariba.

²⁷Despues di dje e tekoitanan a drecha un otro sekshon dilanti di e toren grandi ku ta sali for di e kas-ariba, i te na e muraya di Ofel.

²⁸For di e Porta di Kabai e saserdotenan a hasi reparashon, kada un dilanti di su kas.

²⁹Despues di nan Sadok, yu homber di Imer, a hasi reparashon dilanti di su kas. I despues di dje Semaias, yu homber di Sekanias, wardado di e Porta Pariba, a hasi reparashon.

³⁰Despues di dje Hananias, yu homber di Selemias, i Hanun, e di seis yu homber di Salaf, a drecha un otro sekshon. Despues di dje Mesulam, yu homber di Berekias, a hasi reparashon dilanti di su mes kamber.

³¹Despues di dje Malkias, un di e platenan, a hasi reparashon te na e kas di e sirbidonan di tempel i di e komersiantenan, dilanti di e Porta di Inspekshon i te na e sala-ariba na e skina.

³²I entre e sala-ariba na e skina i e Porta di Karne e platenan i e komersiantenan a hasi reparashon.