Read Papantla Totonac Nehemias 8 Bible Online

Nehemias 8 - Papantla Totonac bible

Nehemias 8

¹I henter e pueblo a reuni manera un solo homber riba e plasa ku tabata keda dilanti di e Porta di Awa, i nan a pidi Esdras, e eskriba, pa trese e buki di lei di Moises ku SENOR a duna Israel.

²E ora ei saserdote Esdras a trese e lei dilanti di e asamblea di homber, muhe, i tur hende ku por a skucha ku komprendementu, riba e prome dia di e di shete luna.

³I el a lesa for di dje dilanti di e plasa ku tabata keda dilanti di e Porta di Awa, for di mainta tempran te merdia, den presensia di homber i muhe, esnan ku por a komprende; i henter e pueblo tabata skucha atentamente na e buki di lei.

⁴I Esdras, e eskriba, tabata para riba un podium di palu ku nan a traha pa e proposito aki. I Matatias, Sema, Anaias, Urias, Hilkias i Maaseias tabata para banda di dje na su man drechi; i Pedaias, Misael, Malkias, Hasum, Hasbadana, Zakarias i Mesulam na su man robes.

⁵I Esdras a habri e buki den bista di henter e pueblo, pasobra e tabata para mas haltu ku henter e pueblo; i ora ku el a habrie, henter e pueblo a lanta para.

⁶E ora ei Esdras a bendishona SENOR, e gran Dios. I henter e pueblo a kontesta: "Amen, Amen!" mientras ku nan tabata hisa nan mannan na laira; despues nan a buig ku nan kara te na suela i a adora SENOR.

⁷Tambe Jesua, Bani, Serebias, Jamin, Akub, Sabetai, Hodias, Maaseias, Kelita, Azarias, Jozabad, Hanan, Pelaia i e levitanan a splika e lei na e pueblo, mientras ku e pueblo a keda na nan luga.

⁸I nan a lesa for di e buki, for di e lei di Dios, i a splika pa duna e nifikashon, asina ku nan tabata komprende loke tabata wordu lesa.

⁹E ora ei Nehemias, kende tabata e gobernado, i Esdras, e saserdote i eskriba, i e levitanan ku tabata sina e pueblo a bisa henter e pueblo: "E dia aki ta santu na SENOR boso Dios; no tene rou ni yora." Pasobra henter e pueblo tabata yora ora nan a tende e palabranan di lei.

¹⁰E ora ei el a bisa nan: "Bai, kome di e vet, bebe di e bibida dushi i manda porshonnan pa esun ku no tin nada prepara, pasobra e dia aki ta santu na nos Senor. No sea tristu, pasobra e goso di SENOR ta boso fortalesa."

¹¹Asina e levitanan a kalma henter e pueblo, bisando: "Keda ketu, pasobra e dia ta santu; no sea tristu."

¹²I henter e pueblo a bai pa kome, pa bebe, pa manda porshonnan i pa selebra un gran fiesta, pasobra nan a komprende e palabranan ku a wordu splika na nan.

¹³E ora ei riba e di dos dia e kabesnan di e kasnan di e tatanan di henter e pueblo, e saserdotenan i e levitanan a reuni serka Esdras, e eskriba, pa nan hana komprendementu di e palabranan di lei.

¹⁴I nan a hana skirbi den lei kon SENOR a ordena pa medio di Moises ku e yunan di Israel mester biba den ramada durante di e fiesta di e di shete luna.

¹⁵Asina nan a proklama e mensahe aki i a plama esaki den tur nan statnan i na Jerusalem, bisando: "Sali bai na e serunan i trese taki di oleifi, taki di oleifi shimaron, taki di mirto, taki di palma i taki di otro palu yen di blachi pa traha ramada, manera ta para skirbi."

¹⁶Asina e pueblo a sali bai i a trese nan i a traha ramada pa nan mes, kada un riba su dak, riba nan plenchinan, riba e plenchinan di e kas di Dios, riba e plasa di e Porta di Awa i riba e plasa di e Porta di Efrain.

¹⁷I henter e asamblea di esnan ku a bolbe di koutiverio a traha ramada i a biba den nan. Pasobra for di e dianan di Josue, yu homber di Nun, te na e dia ei e yunan di Israel no a hasi asina. I tabatin gran goso.

¹⁸I tur dia e tabata lesa for di e buki di e lei di Dios, for di e prome dia te na e ultimo dia. I nan a selebra e fiesta shete dia largu. I riba e di ocho dia tabatin un reunion solem di akuerdo ku e ordenansa.