Read Papantla Totonac Eksodo 20 Bible Online

Eksodo 20 - Papantla Totonac bible

Eksodo 20

¹E ora ei Dios a papia tur e palabranan aki, bisando:

²"Ami ta SENOR bo Dios, Kende a sakabo for di tera di Egipto, for di e kas di sklabitut.

³"Bo no mag tin otro dios Mi dilanti.

⁴"No traha ningun imagen graba pa bo mes, ni nada semehante na loke tin ariba den shelu, ni abou riba tera, ni den e awa bou di tera.

⁵No adora nan ni sirbi nan, pasobra Ami, SENOR bo Dios, ta un Dios yalurs, Kende ta bishita e inikidat di e tatanan riba e yunan, riba e di tres i e di kuater generashon di esnan ku ta odiaMi,

⁶ma Kende ta mustra miserikordia na milnan, na esnan ku ta stimaMi i ta warda Mi mandamentunan.

⁷"No uza e nomber di SENOR bo Dios en bano, pasobra SENOR no ta keda sin kastiga esun ku uza Su nomber en bano.

⁸"Korda dia di sabat, pa santifik'e.

⁹Seis dia bo mag traha i hasi tur bo trabou,

¹⁰ma e di shete dia ta sabat di SENOR bo Dios; riba e dia ei bo no mag hasi ningun trabou, ni abo ni bo yu homber ni bo yu muhe, ni bo sirbido homber ni bo sirbido muhe, ni bo bakanan, ni esun ku ta keda biba pa un tempu serka bo.

¹¹Pasobra den seis dia SENOR a traha shelunan i tera, laman i tur loke tin den nan, i a sosega riba e di shete dia; pesei SENOR a bendishona dia di sabat i a santifik'e.

¹²"Onra bo tata i bo mama, pa bo dianan wordu prolonga den e tera ku SENOR bo Dios ta dunabo.

¹⁴"No komete adulterio.

¹⁵"No horta.

¹⁶"No lanta testimonio falsu kontra bo prohimo.

¹⁷"No kudisha kas di bo prohimo; no kudisha esposa di bo prohimo, ni su sirbido homber, ni su sirbido muhe, ni su buey, ni su buriku, ni nada ku ta pertenese na bo prohimo."

¹⁸I henter e pueblo tabata opserva e strena, e lamper, e zonidu di trompet i e seru ku tabata huma; i ora ku e pueblo a mira esaki, nan tabata tembla i a keda para na un distansia.

¹⁹E ora ei nan a bisa Moises: "Abo mes papia ku nos i nos lo skucha; ma no laga Dios papia ku nos, pa nos no muri."

²⁰I Moises a bisa e pueblo: "No tene miedu, pasobra Dios a bin pa pone boso na prueba, i pa e temor di djé keda den boso, pa boso no peka."

²¹Asina e pueblo a keda para na un distansia, mientras ku Moises tabata aserka e nubia diki kaminda Dios tabata.

²²E ora ei SENOR a bisa Moises: "Asina bo mester bisa e yunan di Israel: 'Boso mes a mira ku Mi a papia ku boso for di shelu.

²³No traha otro diosnan fuera di Mi; no traha pa boso mes diosnan di plata ni diosnan di oro.

²⁴'Traha un altar di tera pa Mi i ofrese bo ofrendanan kima i bo ofrendanan di pas riba dje, bo karnenan i bo bueynan; tur kaminda ku Mi hasi ku Mi nomber ta wordu rekorda, lo Mi bin serka bo i bendishonabo.

²⁵I si bo traha un altar di piedra pa Mi, no trah'e di piedra gekap, pasobra si bo uza bo herment riba dje, bo ta profan'e.

²⁶I no subi bai na Mi altar pa medio di trapi, pa bo sunu no keda eksponi riba dje.'