Read Papantla Totonac Eksodo 24 Bible Online

Eksodo 24 - Papantla Totonac bible

Eksodo 24

¹E ora ei El a bisa Moises: "Subi bin serka SENOR, abo i Aaron, Nadab i Abiu i setenta di e ansianonan di Israel, i boso mester adora na un distansia.

²Ma ta Moises so mag di yega serka SENOR; nan no mag di yega serka, ni e pueblo no mag subi bin huntu kune."

³E ora ei Moises a bin i a konta e pueblo tur e palabranan di SENOR i tur e ordenansanan; i henter e pueblo a kontesta unanimamente i a bisa: "Tur e palabranan ku SENOR a papia nos lo hasi!"

⁴Anto Moises a skirbi tur e palabranan di SENOR. E ora ei el a lanta mainta tempran i a traha un altar na pia di e seru, ku diesdos pilar pa e diesdos tribunan di Israel.

⁵I el a manda hombernan hoben di e yunan di Israel, i nan a ofrese ofrendanan kima i a sakrifika bishenan machu komo ofrendanan di pas na SENOR.

⁶I Moises a kohe mitar di e sanger i a basha esaki den puncheronan, i e otro mitar di e sanger el a sprengu riba e altar.

⁷Anto el a kohe e buki di aliansa i a les'e pa e pueblo tende, i nan a bisa: "Tur loke SENOR a bisa, nos lo hasi, i nos lo ta obedesido!"

⁸Asina Moises a kohe e sanger i a sprengu esaki riba e pueblo, i a bisa: "Mira e sanger di e aliansa ku SENOR a sera ku boso konforme tur e palabranan aki."

⁹E ora ei Moises a subi e seru huntu ku Aaron, Nadab i Abiu i setenta di e ansianonan di Israel,

¹⁰i nan a mira e Dios di Israel; i bou di Su pianan tabatin manera un flur di safiro, kla-kla manera shelu mes.

¹¹Sinembargo, E no a saka Su man kontra e nobelnan di e yunan di Israel; i nan a mira Dios, i nan a kome i bebe.

¹²Awor SENOR a bisa Moises: "Subi bin serka Mi riba e seru i keda einan, i lo Mi dunabo e tablanan di piedra huntu ku e lei i e mandamentu ku Mi a skirbi pa instrui nan."

¹³Pesei Moises a lanta huntu ku su sirbido Josue, i Moises a subi e seru di Dios.

¹⁴Ma na e ansianonan el a bisa: "Warda nos akinan te ora nos bin bek serka boso. I mira, Aaron ku Hur ta serka boso; ken ku tin un difikultat, lagu'e bai serka nan."

¹⁵E ora ei Moises a subi e seru, i e nubia a tapa e seru.

¹⁶I e gloria di SENOR a keda riba Seru Sinai, i e nubia a tapa e seru seis dia largu; i riba e di shete dia Dios a yama Moises for di meimei di e nubia.

¹⁷I den bista di e yunan di Israel e aparensia di e gloria di SENOR tabata manera un kandela konsumidor riba kabes di e seru.

¹⁸I Moises a drenta den e nubia ora ku e tabata subi e seru; i Moises a keda riba e seru kuarenta dia i kuarenta nochi.