Read Papantla Totonac Eksodo 3 Bible Online

Eksodo 3 - Papantla Totonac bible

Eksodo 3

¹Awor Moises tabata pastoria e karnenan di su suegro Jetro, saserdote di Madian; i el a hiba e karnenan na e parti pabou di desierto i a yega Horeb, e seru di Dios.

²I e Angel di SENOR a parese na dje den un kandela tur na flam for di meimei di un mata; i el a wak, i mira, e mata tabata tur na kandela; sinembargo, e mata no a kima kaba na nada.

³E ora ei Moises a bisa: "Lagami bira bai wak e bista maraviyoso aki, pakiko e mata no a kima."

⁴Ora SENOR a mira ku el a bira bai wak, Dios a yam'e for di meimei di e mata i a bisa: "Moises, Moises!" I el a bisa: "At'ami aki."

⁵E ora ei Dios a bisa: "No yega serka di e luga aki; kita bo sandalia for di bo pia, pasobra e luga ku bo ta para ariba ta suela santu."

⁶Tambe El a bisa: "Ami ta e Dios di bo tata, e Dios di Abraham, e Dios di Isaak i e Dios di Jakob." E ora ei Moises a tapa su kara, pasobra e tabatin miedu di wak Dios.

⁷I SENOR a bisa: "Siguramente Mi a mira e aflikshon di Mi pueblo ku ta na Egipto, i a tende nan sklamashon pa motibu di nan kapatasnan, pasobra Mi ta konsiente di nan sufrimentunan.

⁸Pesei Mi a baha bin pa libra nan for di man di e egipsionan i pa saka nan for di e tera ei hiba na un tera bon i grandi, na un tera ku tin lechi i miel na abundansia, na e luga di e kananeo, e heteo, e amoreo, e ferezeo, e heveo i e jebuseo.

⁹I awor, ata e sklamashon di e yunan di Israel a yega na Mi; i tambe Mi a mira e opreshon ku e egipsionan ta oprimi nan kune.

¹⁰Pesei, bin awor i lo Mi mandabo serka F arao pa bo saka Mi pueblo, e yunan di Israel, for di Egipto."

¹¹Ma Moises a bisa Dios: "Ta ken mi ta pa mi lo a bai serka Farao i saka e yunan di Israel for di Egipto?"

¹²I El a bisa: "Lo Mi ta ku bo i esaki lo ta e senal pa bo, ku ta Ami a mandabo: ora bo a kaba di saka e pueblo for di Egipto, boso lo sirbi Dios riba e seru aki."

¹³E ora ei Moises a bisa Dios: "Mira, mi ta bai serka e yunan di Israel i lo mi bisa nan: 'E Dios di boso tatanan a mandami serka boso.' I si nan puntrami: 'Kon ta Su nomber?'--kiko lo mi kontesta nan?"

¹⁴I Dios a bisa Moises: "AMI TA ESUN KU MI TA"; i El a bisa: "Asina bo mester bisa e yunan di Israel: 'AMI TA a mandami serka boso.'"

¹⁵Ademas, Dios a bisa Moises: "Bisa e yunan di Israel: 'SENOR, e Dios di boso tatanan, e Dios di Abraham, e Dios di Isaak i e Dios di Jakob, a mandami serka boso.' Esaki ta Mi nomber pa semper, i esaki ta Mi nomber konmemorativo di generashon pa generashon.

¹⁶"Bai i reuni e ansianonan di Israel i bisa nan: 'SENOR, e Dios di boso tatanan, e Dios di Abraham, Isaak i Jakob, a parese na mi, bisando: "Di berdat Mi a bishita boso i a mira loke nan a hasi ku boso na Egipto.

¹⁷I Mi a bisa ku lo Mi saka boso for di e aflikshon di Egipto, hiba boso na tera di e kananeo, e heteo, e amoreo, e ferezeo, e heveo i e jebuseo, na un tera ku tin lechi i miel na abundansia."'

¹⁸"I nan lo tende na loke bo ta bisa; i abo, huntu ku e ansianonan di Israel, mester bai serka rei di Egipto i bis'e: 'SENOR, e Dios di e hebreonan, a kontra ku nos. Awor anto, pa fabor, laga nos hasi un biahe di tres dia den desierto, pa nos ofrese sakrifisio na SENOR nos Dios.'

¹⁹Ma Mi sa ku rei di Egipto lo no permit! boso bai, si no ta pa medio di un man poderoso.

²⁰Pesei lo Mi saka Mi man i dal Egipto ku tur Mi milagernan ku lo Mi hasi den dje; i despues di esei e lo laga boso bai.

²¹"I lo Mi duna e pueblo aki grasia den bista di e egipsionan, i lo sosode ku ora boso sali, boso lo no sali man bashi.

²²Ma tur muhe mester pidi su bisina i e muhe ku ta biba den su kas, artikulonan di plata i artikulonan di oro, i pana; i boso lo bisti boso yu hombernan i yu muhenan ku nan. Asina boso lo plunder e egipsionan."