Read Papantla Totonac Eksodo 31 Bible Online

Eksodo 31 - Papantla Totonac bible

Eksodo 31

¹Awor SENOR a papia ku Moises, bisando:

²"Mira, Mi a yama Bezaleel, yu homber di Uri, yu homber di Hur, di e tribu di Juda, pa nomber.

³I Mi a yen'e ku e Spiritu di Dios den sabiduria, den komprendementu, den konosementu i den tur sorto di obra,

⁴pa traha disenonan pa obra di oro, di plata i di brons,

⁵i pa korta piedra pa montura, pa graba den palu, pa e traha den tur sorto di obra.

⁶I mira, Ami mes a nombra huntu kune Aholiab, yu homber di Ahisamak, di e tribu di Dan; i den kurason di tur ku ta eksperto Mi a pone sabiduria, pa nan traha tur loke Mi a ordenabo:

⁷e tent di reunion, e arka di testimonio, e propisiatorio riba dje, i tur e artikulonan-di-uzo di e tent;

⁸tambe e mesa ku su artikulonan-di-uzo, e kandela di oro puru ku tur su artikulonan-di-uzo, e altar di sensia;

⁹tambe e altar di ofrenda kima ku tur su artikulonan-di-uzo, e labamano ku su pia;

¹⁰tambe e pananan gewef, e pananan santu pa saserdote Aaron i e pananan di su yu hombernan, pa nan eherse e saserdosio aden;

¹¹tambe e zeta di unshon i e sensia aromatiko pa e luga santu. Nan mester traha esakinan konforme tur loke Mi a ordenabo."

¹²I SENOR a papia ku Moises, bisando:

¹³"Ma pa loke t'abo, papia ku e yunan di Israel, bisando: 'Siguramente boso mester warda Mi sabatnan; pasobra esaki ta un senal entre Ami i boso durante di tur boso generashonnan, pa boso sa ku Ami ta SENOR, Kende ta santifika boso.

¹⁴'Pesei boso mester warda dia di sabat, pasobra e ta santu pa boso. Esun ku profan'e mester wordu mata sigur; pasobra ken ku hasi kualke trabou riba dia di sabat mester wordu korta kita for di meimei di su pueblo.

¹⁵Seis dia trabou mag wordu hasi, ma e di shete dia tin un sabat di sosiegu kompleto, santu na SENOR; ken ku hasi kualke trabou riba dia di sabat mester wordu mata sigur.

¹⁶Pesei e yunan di Israel mester warda sabat, pa selebra sabat durante di tur nan generashonnan komo un aliansa perpetuo.'

¹⁷E ta un senal entre Ami i e yunan di Israel pa semper; pasobra den seis dia SENOR a traha shelu i tera, ma riba e di shete dia El a sosega i a keda refreska."

¹⁸I ora ku El a kaba di papia ku Moises riba Seru Sinai, El a dun'e e dos tablanan di testimonio, tablanan di piedra, skirbi ku e dede di Dios.