Read Papantla Totonac Job 12 Bible Online

Job 12 - Papantla Totonac bible

Job 12

¹E ora ei Job a kontesta:

²"Di berdat anto boso ta e pueblo, i huntu ku boso sabiduria lo muri!

³Ma mi tin inteligensia meskos ku boso; mi no ta inferior na boso. I ken no sa sorto di kosnan manera esakinan?

⁴"Mi ta un kos di hari pa mi amigunan, esun ku a yama na Dios, i El a kontest'e; e homber hustu i perfekto ta un kos di hari.

⁵Pensamentu di un hende ku ta trankil di dje ta menospresia kalamidat, komo algu ku a wordu prepara pa esnan ku nan pianan ta slep.

⁶E tentnan di e destruidonan ta prospera, i esnan ku ta proboka Dios ta biba den siguridat, den kende nan mannan Dios ta pone abundansia.

⁷"Ma awor, puntra e bestianan, i laga nan sinabo; i e parhanan di shelu, i laga nan kontabo.

⁸Of papia ku tera, i lagu'e sinabo; i laga e piskanan di laman splikabo.

⁹Ken den tur esakinan no sa ku ta e man di SENOR a hasi esaki,

¹⁰den Kende Su man bida di tur loke ta bibu ta, i e rosea di henter humanidat?

¹¹No ta orea ta test palabra, manera shel'i boka ta purba su kuminda?

¹²Sabiduria ta wordu hana serka e ansianonan, i den bida largu tin komprendementu.

¹³"Serka Dios tin sabiduria i poder; konseho i komprendementu ta pertenese na djé.

¹⁴Mira, E ta basha abou, i esei no por wordu lanta mas; E ta kohe un hende prezo, i no por tin liberashon p'e.

¹⁵Mira, E ta wanta e awanan, i nan ta para seka; i E ta laga nan bai, i nan ta inunda tera.

¹⁶Serka djé tin forsa i sabiduria sano, esun engana i e ganado ta pertenese na djé.

¹⁷E ta hasi konseheronan kana pia abou, i ta hasi huesnan bira hende bobo.

¹⁸E ta los kadena di reinan, i ta mara un faha na nan hep.

¹⁹E ta hasi saserdotenan kana pia abou, i ta tumba e poderosonan.

²⁰E ta kita palabra for di esnan ku ta wordu konfia, i ta kita disernimentu for di e ansianonan.

²¹E ta drama despresio riba nobelnan, i ta los faha di e poderosonan.

²²For di skuridat E ta revela misterionan, i ta trese skuridat profundo na lus. E ta engrandese nashonnan, anto ta destrui nan;

²³E ta hasi nashonnan bira mas grandi, anto ta plama nan.

²⁴E ta kita inteligensia for di e kabesantenan di e pueblonan di tera, i ta hasi nan kana dwal den un luga desola, tin kaminda.

²⁵Nan ta kana fula den skuridat sin lus, i E ta hasi nan kana zeilu manera homber burachi.