Read Papantla Totonac Job 14 Bible Online

Job 14 - Papantla Totonac bible

Job 14

¹"Hende ku a nase di muhe ta biba poko dia i ta yen di problema.

²Manera un flor e ta habri i ta marchita. Manera un sombra e ta hui bai i no ta permanese.

³I riba un hende asina Bo ta habri Bo wowo, i ta hib'e Bo dilanti pa huisio?

⁴Ken por saka algu limpi for di loke no ta limpi? Ni un hende!

⁵Siendo ku siguramente su dianan ta konta, e kantidat di su lunanan ta ku Bo; Bo a stipula su limitenan, e no por pasa.

⁶Kita Bo bista for di dje pa e por sosega, te ora ku e kompleta su dia manera un trahado kontrata.

⁷"Pasobra pa un palu tin speransa, ku ora e wordu gekap, e lo spreit di nobo, i su spreitnan lo no pashima.

⁸Maske su raisnan bira bieu den e tera i su tronkon muri den e tera seku,

⁹tog, asina ku e hana holo di awa, e ta florese, i ta saka spreit manera un planchi.

¹⁰Ma hende ta muri i ta wordu dera. Hende ta hala su ultimo rosea, i unda el a keda?

¹¹Manera awa ta verdamp for di laman, i awa di riu ta kaba i e riu ta seka,

¹²asina hende ta kai drumi i no ta lanta mas; te ora ku e shelunan no t'ei mas, e lo no lanta ni wordu spierta for di su sono.

¹³"O ku Bo lo a skondemi den Seol, ku Bo lo a skondemi te ora Bo furia pasa, ku Bo lo a pone un limite pa mi i korda riba mi!

¹⁴Si un hende muri, lo e bolbe biba? Tur e dianan di mi lucha lo mi spera, te ora mi liberashon bin.

¹⁵Abo lo yama, i ami lo kontestaBo; lo Bo anhela na e obra di Bo mannan.

¹⁶Pasobra awor Bo ta konta mi pasonan, ma Bo no ta opserva mi pika.

¹⁷Mi transgreshon ta seya den un saku, i Bo ta tapa mi inikidat.

¹⁸"Manera seru ta kai den otro i ta garna na pida-pida, i manera baranka ta kita for di su luga,

¹⁹manera awa ta gasta piedra, i manera korida di awa ta laba stof di tera bai kune, asina Bo ta destrui speransa di hende.

²⁰Semper Bo ta triunfa riba dje i e ta sali bai; Bo ta kambia su aparensia i ta mand'e bai.

²¹Su yunan ta wordu onra, ma e no sa esei; of nan ta wordu umiya, ma e no ta ripara esei.

²²Ma su kurpa ta hasie dolo, i e ta lamenta solamente pa su mes."