Read Papantla Totonac Job 17 Bible Online

Job 17 - Papantla Totonac bible

Job 17

¹"Mi spiritu ta kibra, mi dianan a wordu korta, graf ta prepara pa mi.

²Siguramente hasidonan di bofon ta rondonami, i mi wowo ta fiha riba nan probokashon.

³"Awor, pone Bo mes komo garantia pa mi. Ken otro lo para borg pa mi?

⁴Pasobra Bo a sera nan kurason pa komprendementu; pesei lo Bo no halsa nan.

⁵Esun ku labia su amigunan, asta wowo di su yunan lo faya.

⁶"Ma El a hasimi bira un dicho den pueblo, i ami ta un persona den ken su kara hende ta skupi.

⁷Mi wowo tambe a bira skur pa motibu di tristesa, i tur e miembronan di mi kurpa ta manera un sombra.

⁸E hende rekto lo keda babuka di mira esaki, i e inosente lo lanta kontra e hende sin Dios.

⁹Sinembargo, e hustu lo mantene su kaminda, i esun ku tin mannan limpi lo krese bira mas i mas fuerte.

¹⁰"Ma awor, boso tur bin atrobe, pasobra mi no ta hana ni un hende sabi meimei di boso.

¹¹Mi dianan a pasa, mi plannan ta kibra, asta e deseonan di mi kurason.

¹²Nan ta hasi nochi bira dia, bisando: 'Lus ta serka,' den presensia di skuridat.

¹³Si mi spera Seol komo mi kas, si mi drecha mi kama den skuridat,

¹⁴si mi bisa korupshon: 'Bo ta mi tata', i bichi: 'Bo ta mi mama i mi ruman muhe',

¹⁵unda mi speransa ta anto? I ken por mira mi speransa?

¹⁶Nan lo baha bai ku mi den Seol? Lo nos baha bai huntu den stof?"