Read Papantla Totonac Job 23 Bible Online

Job 23 - Papantla Totonac bible

Job 23

¹E ora ei Job a kontesta:

²"Asta riba e dia djawe mi keho ta rebeldia; Su man ta pisa apesar di mi kehamentu.

³Mara mi por tabata sa unda mi por a han'E, pa mi por a yega kaminda E ta sinta!

⁴Lo mi a pone mi kaso Su dilanti i yena mi boka ku argumentonan.

⁵Lo mi a hana sa e palabranan ku E lo a kontestami, i komprende loke E kier a bisami.

⁶Akaso E lo a diskuti ku mi den e grandesa di Su poder? No, siguramente E lo a paga atenshon na mi.

⁷Ayanan e hende rekto lo a rasona kuné; asina lo mi a wordu libra pa semper for di mi Hues.

⁸"Ata, mi ta bai padilanti, ma E no t'ei, i patras, ma mi no por mir'E;

⁹ora ku E ta traha na man robes, mi no por mir'E; ora ku E bira na man drechi, mi no por mir'E.

¹⁰Ma E sa di e kaminda ku mi ta kohe; ora ku E kaba di ponemi na prueba, lo mi sali manera oro.

¹¹Mi pia a sigui firme den Su pasonan; mi a keda riba Su kaminda i no a desvia.

¹²Mi no a bandona e mandamentu di Su lepnan; mi a stima e palabranan di Su boka mas ku mi porshon di kuminda di tur dia.

¹³"Ma E ta uniko, i ken por kambi'E? I loke Su alma ta desea, ta esei E ta hasi.

¹⁴Pasobra E ta kumpli ku loke ta plania pa mi, i hopi kos asina E tin pensa.

¹⁵Pesei mi ta tur spanta den Su presensia; ora mi para pensa, mi ta tembla Su dilanti.

¹⁶Pasobra ta Dios a hasi mi kurason desmaya, i ta e Todopoderoso a terorisami,

¹⁷ma mi no ta keda ketu pa motibu di skuridat, ni e skuridat profundo ku ta tapami.