Read Papantla Totonac Job 33 Bible Online

Job 33 - Papantla Totonac bible

Job 33

¹"Sinembargo, mi ta rogabo Job, tende mi diskurso, i skucha tur mi palabranan.

²At'awor mi ta habri mi boka; mi lenga den mi boka ta papia.

³Mi palabranan ta sali for di e rektitut di mi kurason; i mi lepnan ta papia konosementu ku tur sinseridat.

⁴Ta e Spiritu di Dios a trahami, i e rosea di e Todopoderoso ta dunami bida.

⁵Kontestami si bo por; prepara bo palabranan mi dilanti; lanta para.

⁶Mira, mi ta pertenese na Dios meskos ku bo; mi tambe a wordu forma for di klei.

⁷Mira, no laga miedu pa mi terorisabo, ni mi man no mester keda pisa riba bo.

⁸"Siguramente bo a papia pa mi tende, i mi a tende e zonidu di bo palabranan:

⁹'Mi ta puru, sin transgreshon; mi ta inosente i no tin inikidat den mi.

¹⁰Tog E ta hana falta den mi; E ta konsiderami Su enemigu.

¹¹E ta pone mi pianan na sepa, E ta vigila tur mi berehanan.'

¹²"Mira, lo mi kontestabo: den esaki bo no ta hustu, pasobra Dios ta mas grandi ku hende.

¹³Pakiko bo ta keha kontra djé, ku E no ta duna kuenta di tur loke E ta hasi?

¹⁴Di berdat, Dios ta papia un biaha, of dos biaha, ma ningun hende no ta ripara esei.

¹⁵Den un sono, un vishon di anochi, ora ku sono profundo baha riba hende, mientras ku nan ta drumi riba nan kama,

¹⁶e ora ei E ta habri orea di hende, i ta seya nan instrukshon,

¹⁷pa E kita hende for di su mal kaminda, i warda hende for di orguyo;

¹⁸E ta warda su alma for di graf, i su bida pa e no perese pa medio di spada.

¹⁹Tambe hende ta wordu kastiga ku dolo riba su kama, i ku dolo konstante den su wesunan;

²⁰asina ku su bida ta aborese pan, i su alma su kuminda prefer!.

²¹Su karni ta kaba na su kurpa, i su wesunan, ku bo no tabata por a mira, awor ta sali.

²²E ora ei su alma ta yega serka di graf, i su bida serka di esnan ku ta kousa morto.

²³"Si tin un angel komo mediador p'e, un entre mil, pa korda hende kiko ta korekto p'e,

²⁴anto lagu'E mustr'e miserikordia, i bisa: 'Libr'e di baha den graf, mi a hana un redenshon';

²⁵laga su karni bira mas suave ku esun di mucha, lagu'e bolbe na e dianan di vigor di su hubentut.

²⁶E ora ei e lo hasi orashon na Dios, i Dios lo asept'e, asina ku e por mira Dios Su kara ku alegria, i Dios por restora Su hustisia na hende.

²⁷E lo kanta pa hende i bisa: 'Mi a peka i a pervert! loke ta korekto, ma mi no a hana loke mi tabata merese.

²⁸El a redim! mi alma pa e no baha den graf, i mi bida lo mira e lus.'

²⁹"Mira, hopi bes Dios ta hasi tur e kosnan aki ku hende,

³⁰pa trese su alma bek for di graf, asina ku e por wordu ilumina ku e lus di bida.

³¹"Pone atenshon, O Job, skuchami; keda ketu i lagami papia.

³²Anto si bo tin kualke kos di bisa, kontestami; papia, pasobra mi tin deseo di hustifikabo.

³³Si no, abo skuchami; keda ketu, i lo mi sinabo sabiduria."