Read Papantla Totonac Job 34 Bible Online

Job 34 - Papantla Totonac bible

Job 34

¹E ora ei Eliu a sigui i a kontesta:

²"Tende mi palabranan, boso, hombernan sab!, i skuchami, boso ku tin konosementu.

³Pasobra orea ta test palabra manera shel'i boka ta purba kuminda.

⁴Laga nos skohe loke ta hustu pa nos mes; laga nos sa entre nos kiko ta bon.

⁵"Pasobra Job a bisa: 'Ami ta hustu, ma Dios a kita mi derecho;

⁶mi mester gana tokante di mi derecho? Mi herida ta inkurabel, maske mi ta sin transgreshon.'

⁷Kual homber ta manera Job, kende ta bebe menospresio manera awa,

⁸kende ta asosia ku hasidonan di inikidat, i ta anda ku hombernan malbado?

⁹Pasobra el a bisa: 'Un hende no tin ningun probecho ora ku e ta purba agrada Dios.'

¹⁰"Pesei skuchami, boso, hombernan di komprendementu. Leu sea di Dios di hasi maldat, i di e Todopoderoso di komete inikidat.

¹¹Pasobra E ta paga hende segun su obra, i ta hasi hende hana e rekompensa ku su kondukta ta merese.

¹²Di berdat, Dios no ta aktua na manera inhustu, ni e Todopoderoso no ta pervert! hustisia.

¹³Ken a dun'E outoridat riba tera? I ken a dun'E enkargo di henter mundu?

¹⁴Si E lo a disidl di hasi asina, si E lo a bolbe tuma Su Spiritu i Su rosea,

¹⁵tur karni lo a perese huntu, i hende lo a bolbe bira stof

¹⁶"Ma si bo tin komprendementu, tende esaki; skucha e zonidu di mi palabranan.

¹⁷Akaso un hende ku ta odia hustisia por goberna? I lo bo kondena Esun hustu i poderoso,

¹⁸kende ta bisa un rei: 'Bo no ta sirbi pa nada,' of nobelnan: 'Boso ta malbado';

¹⁹kende no ta duna preferensia na prensnan, ni ta duna e riku mas atenshon ku e pober, pasobra nan tur ta obra di Su mannan?

²⁰Den un momento nan ta muri, mei anochi pueblonan ta wordu sakud! i ta muri, i e poderoso ta wordu elimina, no pa man di hende.

²¹"Pasobra Su wowonan ta riba e kamindanan di hende, i E ta mira tur su pasonan.

²²No tin skuridat ni sombra di morto, unda e hasidonan di inikidat por skonde.

²³Pasobra E no tin mester di investiga un hende mas aleu, pa esaki bin dilanti di Dios pa huisio.

²⁴E ta kibra hombernan poderoso na pida-pida, sin hasi investigashon, i ta pone otronan na nan luga.

²⁵Pesei E konose nan obranan, i den anochi E ta tira nan abou, asina ku nan ta keda plecha.

²⁶E ta kastiga nan meskos ku e malbadonan, na un luga unda hende por mira nan,

²⁷pasobra nan a desvia i no a siguié, i no a konsidera ningun di Su kamindanan,

²⁸asina ku nan a hasi e sklamashon di e pober yega serka djé, i ku E por tende e sklamashon di e afligman.

²⁹Ora ku E keda ketu, ken por kondena? I ora ku E skonde Su kara, ken por mir'E, esta, konsiderando tur dos, nashon i hende,

³⁰pa hende sin Dios no goberna, ni bira trampa pa e pueblo.

³¹"Pasobra akaso un hende a yega di bisa Dios: 'Mi a soporta kastigu; lo mi no ofende mas;

³²Abo sinami loke mi no ta mira; si mi a hasi inikidat, lo mi no hasi esei mas'?

³³E mester rekompensa manera abo ta hana ta bon, pasobra abo a rechasa esei? Pasobra abo mester skohe i no ami; pesei, bisa loke bo sa.

³⁴"Hombernan di komprendementu lo bisami, i un homber sabi ku ta tendemi:

³⁵'Job ta papia sin konosementu, i su palabranan ta sin sabiduria.

³⁶Job mester wordu proba te na ekstremo, pasobra e ta kontesta manera hombernan malbado.

³⁷Pasobra e ta agrega rebeldia na su pika; meimei di nos e ta bati su mannan, i ta multiplika su palabranan kontra Dios.'"