Read Papantla Totonac Job 35 Bible Online

Job 35 - Papantla Totonac bible

Job 35

¹E ora ei Eliu a sigui i a kontesta:

²"Bo ta kere ku esaki ta di akuerdo ku hustisia? Bo ta bisa: 'Mi hustisia ta mas ku hustisia di Dios'?

³Pasobra bo ta bisa: 'Di ki bentaha lo e ta pa Bo? Ki probecho lo mi tin mas ku si mi a peka?'

⁴"Lo mi kontestabo, i bo amigunan huntu ku bo.

⁵Wak e shelunan i mira; i kontempla e nubianan--nan ta mas haltu ku bo.

⁶Si bo a peka, kiko bo ta logra kontra djé? I si bo transgreshonnan ta hopi, kiko esei lo hasié?

⁷Si bo ta hustu, kiko bo ta dun'E? Of kiko E ta risibi for di bo man?

⁸Bo maldat ta afekta un hende manera bo mes, i bo hustisia ta pa un yu di hende.

⁹"Pa motibu di e multitut di opreshonnan nan ta sklama; nan ta sklama pa yudansa pa motibu di e brasa di e poderosonan.

¹⁰Ma ningun hende no ta bisa: 'Unda Dios, Esun ku a trahami, ta, Kende ta duna kantikanan den anochi,

¹¹Kende ta sina nos mas ku e bestianan di tera, i ta hasi nos mas sabi ku e parhanan di shelu?'

¹²Aya nan ta sklama, ma E no ta kontesta, pa motibu di e orguyo di hende malbado.

¹³Siguramente Dios no ta skucha sklamashon bano; tampoko e Todopoderoso lo no hasi kaso di esei.

¹⁴Kuantu menos ora bo bisa ku bo no ta mir'E, e kaso ta Su dilanti, i bo mester spera riba djé!

¹⁵I awor, pasobra E no a kastiga den Su rabia, ni E no a paga muchu atenshon na transgreshon,

¹⁶pesei Job ta habri su boka i ta papia palabranan bano; e ta multiplika palabranan sin konosementu."