Read Papantla Totonac Job 39 Bible Online

Job 39 - Papantla Totonac bible

Job 39

¹"Bo sa ki tempu e kabritunan di seru ta pari? Bo ta opserva ora ku e bina ta pari?

²Bo por konta e lunanan ku nan ta karga, of bo sa ki tempu nan ta pari?

³Nan ta sak abou, nan ta pari nan yu, i nan dolo di parto ta pasa.

⁴Nan chikitunan ta bira fuerte, nan ta krese den kunuku habri; nan ta bai i no ta bolbe mas serka nan.

⁵"Ken a duna e buriku di mondi libertat? I ken a los e kabuyanan di e buriku welt,

⁶na kual Mi a duna mondi komo kas, i e tera salu komo su luga di biba?

⁷E ta hasi bofon di e boroto di e stat, e gritunan di e kapatas e no ta tende.

⁸E ta rondia den e serunan pa su kuminda, i e ta buska tur loke ta berde.

⁹"E buey di mondi lo ta kontentu di sirbibo? Of lo e pasa nochi den bo stal?

¹⁰Bo por mara e buey di mondi ku kabuya, den un hoyo? Of lo e plug e vayenan bo tras?

¹¹Lo bo konfi'e pasobra su forsa ta grandi, i lagu'e hasi bo trabou?

¹²Lo bo tin konfiansa den dje, ku lo e trese bo mainshi kas, i rekohe esaki for di bo plenchi-di-bati-mainshi?

¹³"E halanan di e abestrus ta bati gososamente, ma ta hala i pluma di amor eseinan ta?

¹⁴Pasobra e ta laga su webunan bandona riba tera, i ta laga nan keinta den santu,

¹⁵i e ta lubida ku pia por plecha nan, of ku bestia di mondi por trapa riba nan.

¹⁶E ta trata su puitunan kruel, komo si fuera no ta di dje nan ta. Maske su trabou ta en bano, e no tin kunes,

¹⁷pasobra Dios a lagu'e lubida sabiduria, i no a dun'e ni un tiki komprendementu.

¹⁸Ora ku e habri su halanan pa kore, e ta hari e kabai i su koredo.

¹⁹"T'abo ta duna kabai su forsa? T'abo ta tapa su nek ku klina?

²⁰T'abo ta hasie bula manera tirakochi? Su snuifmentu mahestuoso ta teribel.

²¹E ta koba den vaye i ta gosa di su forsa; e ta sali pa kontra ku e armanan.

²²E ta hasi bofon di miedu i no ta desmaya; i e no ta bira lomba pa spada.

²³E muchila-pa-karga-flecha ta zona kontra dje, e spada ku ta lombra i e lansa.

²⁴Ku temblamentu i furia e ta pasa na kareda riba tera; e no ta keda para ora ku trompet zona.

²⁵Ki ora ku trompet zona e ta bisa: 'Aha!' I e ta hole bataya for djaleu, i e gritu di e kapitannan i e zonidu di

²⁶"Ta pa medio di bo sabiduria e kinikini ta bula, ta span su halanan bai suit?

²⁷Ta bo a duna ordu pa e aguila bula bai ariba i traha su neishi na haltu?

²⁸Riba baranka e ta biba i ta pasa nochi; riba punta di baranka kaminda hende no por yega.

²⁹For di ayanan e ta vigila e proi; su wowonan ta mira esaki djaleu.

³⁰Su yunan tambe ta chupa sanger, i kaminda tin kadaver, einan e ta."