Read Papantla Totonac Job 40 Bible Online

Job 40 - Papantla Totonac bible

Job 40

¹E ora ei SENOR a bisa Job:

²''Esun ku ta piki fout lo pleita ku e Todopoderoso? Laga esun ku ta reprende Dios kontesta esaki."

³E ora ei Job a kontesta SENOR i a bisa:

⁴"Mira, ami ta insignifikante; kiko mi por kontestaBo? Mi ta pone mi man riba mi boka.

⁵Un biaha mi a papia, i lo mi no kontesta; si, dos biaha, i lo mi no sigui papia mas."

⁶E ora ei SENOR a kontesta Job for di e tempestat, i a bisa:

⁷"Awor, faha bo hep manera homber; Ami lo hasibo pregunta, i abo instruiMi.

⁸"Di berdat bo kier anula Mi huisio? Bo kier kondenaMi pa abo por ta hustifika?

⁹Of bo tin un brasa manera Dios, i bo por strena ku un bos manera esun di djé?

¹⁰Dorna bo mes ku gloria i splendor; i bisti bo mes ku onor i mahestat.

¹¹Basha e furia di bo rabia; i mira riba kada hende ku ta orguyoso, i rebah'e.

¹²Mira riba kada hende ku ta orguyoso, i umiy'e; i trapa riba e malbadonan kaminda nan ta para.

¹³Skonde nan huntu den stof; mara nan den e luga skondi.

¹⁴E ora ei Ami tambe lo konfesa na bo, ku bo mes man drechi por salbabo.

¹⁵"Awor, wak Behemot, ku Mi a traha meskos ku Mi a trahabo; e ta kome yerba manera buey.

¹⁶Mira awor, su forsa ta den su hep, i su poder ta den e muskulonan di su barika.

¹⁷E ta dobla su rabu manera un palu di seda; e muskulonan di su bel di pia ta gewef na otro.

¹⁸Su wesunan ta manera tubo di brons; su repchinan ta manera bara di heru.

¹⁹E ta esun di prome di e obranan di Dios; laga Esun ku a trah'e aserk'e ku Su spada.

²⁰Siguramente e serunan ta produsi kuminda p'e, i tur bestia di mondi ta hunga ayanan.

²¹E ta kai drumi bou di e matanan di lotus, skondi den richi i den muras.

²²E matanan di lotus ta tap'e ku nan sombra; e welgnan kantu di roi ta tur ront di dje.

²³Maske riu krese, e no ta alarma; e ta trankil, maske Jordan kore basha den su boka.

²⁴Tin hende ku por koh'e ora ku e ta vigila, of traspasa su nanishi ku hak?