Read Papantla Totonac Salmonan 106 Bible Online

Salmonan 106 - Papantla Totonac bible

Salmonan 106

¹Alaba SENOR! Duna gradisimentu na SENOR, pasobra E ta bon; pasobra Su miserikordia ta pa semper.

²Ta ken por ekspresa e obranan poderoso di SENOR, of deklara tur Su alabansa?

³Bendishona ta esnan ku ta mantene huisio, kendenan ta praktika hustisia tur ora.

⁴Korda riba mi, O SENOR, segun Bo bondat pa ku Bo pueblo; bishitami ku Bo salbashon,

⁵pa mi por mira e prosperidat di Bo skohinan, pa mi por regosiha den e alegria di Bo nashon, pa mi por gloria huntu ku Bo erensia.

⁶Nos a peka meskos ku nos tatanan, nos a komete inikidat, nos a hasi maldat.

⁷Nos tatanan na Egipto no a komprende Bo maraviyanan; nan no a korda riba e multitut di Bo miserikordianan, ma a rebeldia na laman, na Laman Kora.

⁸Sinembargo, El a salba nan pa kousa di Su nomber, pa hasi Su poder konosi.

⁹Asina El a reprende Laman Kora, i esei a seka; El a guia nan dor di e profundidatnan, manera dor di desierto.

¹⁰Asina El a salba nan for di man di esun ku tabata odia nan, i a redimi nan for di man di e enemigu.

¹¹I e awanan a tapa nan atversarionan; ni un di nan no a sobrebibi.

¹²E ora ei nan a kere Su palabranan; nan a kanta Su alabansa.

¹³Masha lihe nan a lubida Su obranan; nan no a spera riba Su konseho.

¹⁴Den e tera seku nan a entrega nan mes kompletamente na golosidat, i a tenta Dios den desierto.

¹⁵Asina El a duna nan loke nan a pidi, ma a manda flakesa den nan alma.

¹⁶Tempu ku nan tabata envidia Moises den e kampamentu, i Aaron, esun santu di SENOR,

¹⁷tera a habri i a traga Datan, i a tapa e asamblea di Abiram.

¹⁸I un kandela a sende den nan asamblea; e flam a kaba ku e malbadonan.

¹⁹Nan a traha un bishe na Horeb, i a adora un imagen basha.

²⁰Asina nan a kambia nan gloria pa e imagen di un baka ku ta kome yerba.

²¹Nan a lubida Dios, nan Salbador, Kende a hasi kosnan grandi na Egipto,

²²maraviyanan na tera di Kam, i kosnan temibel na Laman Kora.

²³Pesei El a bisa ku E lo a destrui nan, si Moises, Su skohi, no a interveni pa kita Su furia for di riba nan, pa E no destrui nan.

²⁴E ora ei nan a despresia e dushi tera; nan no a kere Su palabra,

²⁵ma nan tabata murmura den nan tentnan; nan no a skucha na e bos di SENOR.

²⁶Pesei El a hura nan, ku E lo benta nan abou den desierto,

²⁷i ku E lo tira nan desendientenan meimei di e nashonnan, i plama nan den e teranan.

²⁸Tambe nan a uni nan mes ku Baal-peor, i tabata kome sakrifisionan ofresi na e mortonan.

²⁹Asina nan a probok'E na rabia ku nan echonan, i a lanta un plaga meimei di nan.

³⁰E ora ei Finees a lanta i a interveni; i asina e plaga a para.

³¹I esei a wordu konta komo hustisia p'e, pa tur generashon, pa semper.

³²Tambe nan a probok'E na rabia na e awanan di Meriba, i pa nan motibu a bai malu ku Moises;

³³pasobra nan a rebeldia kontra Su Spiritu, i sin pensa mes el a papia ku su lepnan.

³⁴Nan no a destrui e pueblonan, manera SENOR a ordena nan,

³⁵ma nan a meskla ku e nashonnan i a sina nan praktikanan,

³⁶i a sirbi nan ldolonan, kualnan a bira un trampa pa nan.

³⁷Asta nan tabata sakrifika nan yu hombernan i nan yu muhenan na demononan,

³⁸i tabata drama sanger inosente, e sanger di nan yu hombernan i nan yu muhenan, ku nan tabata sakrifika na "Amen."