Read Papantla Totonac Salmonan 107 Bible Online

Salmonan 107 - Papantla Totonac bible

Salmonan 107

¹Duna gradisimentu na SENOR, pasobra E ta bon; pasobra Su miserikordia ta pa semper.

²Laga esnan ku SENOR a redimi bisa asina, esnan ku El a redimi for di man di e atversario,

³i ku El a rekohe for di e paisnan, for di pariba i for di pabou, for di nort i for di suit.

⁴Nan a kana dwal den desierto den un region desola, sin hana un stat pa biba aden.

⁵Yen di hamber i set nan alma a desmaya den nan.

⁶E ora ei nan a sklama na SENOR den nan angustia, i El a libra nan for di nan aflikshonnan.

⁷Tambe El a guia nan riba un kaminda stret, pa bai na un stat habita.

⁸Laga nan duna gradisimentu na SENOR pa Su miserikordia, i pa Su maraviyanan na e yunan di hendel

⁹Pasobra E ta satisfase e alma ku tin set, i e alma ku tin hamber E ta yena ku loke ta bon.

¹⁰Algun tabata biba den skuridat i den e sombra di morto, prezonan den miseria i na kadena,

¹¹pasobra nan a rebeldia kontra e palabranan di Dios, i a despresia e konseho di e Haltisimo.

¹²Pesei El a umiya nan kurason ku trabou duru; nan a trompeka i no tabatin ningun hende pa yuda nan.

¹³E ora ei nan a sklama na SENOR den nan angustia, i El a salba nan for di nan aflikshonnan.

¹⁴El a saka nan for di skuridat i for di e sombra di morto, i a kibra nan kadenanan na pida-pida.

¹⁵Laga nan duna gradisimentu na SENOR pa Su miserikordia, i pa Su maraviyanan na e yunan di hende I

¹⁶Pasobra El a kibra e portanan di brons, i a korta e grendelnan di heru na pida-pida.

¹⁷Bobonan a wordu afligi pa motibu di nan komportashon rebelde i pa motibu di nan inikidatnan.

¹⁸Nan alma a aborese tur sorto di kuminda, i nan a yega te na e portanan di morto.

¹⁹E ora ei nan a sklama na SENOR den nan angustia, i El a salba nan for di nan aflikshonnan.

²⁰El a manda Su palabra i a kura nan, i a libra nan for di nan destrukshonnan.

²¹Laga nan duna gradisimentu na SENOR pa Su miserikordia, i pa Su maraviyanan na e yunan di hendel

²²Tambe, laga nan ofrese sakrifisionan di gradisimentu, i konta di Su obranan ku kantamentu gososo.

²³Esnan ku ta baha bai laman den barku, ku ta hasi negoshi riba awanan grandi,

²⁴eseinan a mira e obranan di SENOR, i Su maraviyanan den e profundidat.

²⁵Pasobra El a papia i a lanta un bientu di tempestat ku a lanta e olanan di laman.

²⁶Nan a subi na e shelunan, nan a baha den e profundidatnan; nan alma a dirti bai pa motibu di miseria.

²⁷Nan tabata tembla i zeilu manera homber burachi, i a keda man na kabes.

²⁸E ora ei nan a sklama na SENOR den nan angustia, i El a saka nan for di nan aflikshonnan.

²⁹El a hasi e tempestat bira bientu suave, asina ku e olanan di laman a kalma.

³⁰E ora ei nan a keda kontentu, pasobra e olanan a kalma. Asina El a guia nan na nan haf desea.

³¹Laga nan duna gradisimentu na SENOR pa Su miserikordia, i pa Su maraviyanan na e yunan di hendel

³²Laga nan hals'E tambe den e kongregashon di e pueblo, i alab'E den e konseho di ansianonan.

³³E ta hasi riunan bira desierto, fuentenan di awa bira tera seku,

³⁴i tera fertil bira salina, pa motibu di e maldat di esnan ku ta biba den dje.

³⁵E ta hasi desierto bira tanki di awa, i tera seku, fuentenan di awa.

³⁶I ayanan E ta duna esnan ku tin hamber luga pa biba aden, pa nan por stablese un stat habita,

³⁷i sembra kunukunan, i planta hofinan di wendruif ku ta produsi un kosecha abundante.

³⁸Tambe E ta bendishona nan, i nan ta multiplika masha hopi mes; i E no ta laga nan bestianan mengua.

³⁹Ora nan bira poko i abati pa motibu di opreshon, miseria i pena,

⁴⁰E ta drama despresio riba prensnan, i ta hasi nan kana dwal den un luga desola sin kaminda.

⁴¹Ma E ta lanta esnan den nesesidat, saka nan for di aflikshon, i ta hasi famianan multiplika manera tou di karne.

⁴²E hustunan ta mira esaki i ta keda kontentu, ma tur inikidat ta sera boka.

⁴³Ken ta sabi? Lagu'e paga bon tino na e kosnan aki, i konsidera e miserikordia di SENOR.