Read Papantla Totonac Salmonan 108 Bible Online

Salmonan 108 - Papantla Totonac bible

Salmonan 108

¹Mi kurason ta para firme, O Dios; lo mi kanta, lo mi kanta alabansa, si, mi alma lo kanta.

²Spierta, arpa i lirio; lo mi spierta e ourora!

³Lo mi duna gradisimentu na Bo den e pueblonan, O SENOR; lo mi kanta alabansa na Bo den e nashonnan,

⁴pasobra Bo miserikordia ta grandi, mas haltu ku e shelunan, i Bo berdat ta yega te na e nubianan.

⁵Sea halsa ariba di e shelunan, O Dios, i Bo gloria riba henter mundu.

⁶Salba ku Bo man drechi i kontestami, pa Bo stimanan por wordu libra!

⁷Dios a papia for di Su santuario: "Lo Mi regosiha, lo Mi reparti Sikem i midi e Vaye di Sukot.

⁸Galaad ta di Mi, Manases ta di Mi; tambe Efrain ta e helm di Mi kabes; Juda ta Mi septer.

⁹Moab ta Mi punchero; riba Edom lo Mi tira Mi sapatu; riba Filistea lo Mi triunfa."

¹⁰Ken lo hibami na e stat rondona? Ken lo guiami hiba Edom?

¹¹No ta Abo mes, O Dios, a rechasa nos? I lo Bo no sali huntu ku nos ehersitonan, O Dios?

¹²Duna nos yudansa kontra e atversario, pasobra yudansa di hende ta en bano.

¹³Ku Dios nos lo hasi kosnan grandi, i ta E ta Esun ku lo trapa nos atversarionan.