Read Papantla Totonac Salmonan 112 Bible Online

Salmonan 112 - Papantla Totonac bible

Salmonan 112

¹Alaba SENOR! Bendishona ta e hende ku ta teme SENOR, ku tin gran delisia den Su mandamentunan.

²Su desendientenan lo ta poderoso riba tera; e generashon di e rektonan lo ta bendishona.

³Tin prosperidat i rikesa den su kas, i su hustisia ta permanese pa semper.

⁴Pa e rektonan lus ta sali den skuridat; e ta yen di grasia i kompashon, i ta hustu.

⁵Ta bai bon ku e hende ku tin kompashon i ta fia, e lo atende su asuntonan ku huisio,

⁶pasobra e lo no wordu movi nunka; e hustu lo wordu rekorda pa eternidat.

⁷E lo no tin miedu di mal notisia; su kurason ta trankil, konfiando den SENOR.

⁸Su kurason ta firme, e lo no tin miedu, te ora ku e mira su deseo kumpli riba su atversarionan.

⁹El a parti, el a duna na e pobernan; su hustisia ta permanese pa semper; su kachu lo wordu halsa ku onor.

¹⁰E malbado lo mira esaki i keda rabia; e lo morde riba su djente i para kaba na nada; e deseo di e malbado lo perese.