Read Papantla Totonac Salmonan 115 Bible Online

Salmonan 115 - Papantla Totonac bible

Salmonan 115

¹No na nos, O SENOR, no na nos, ma na Bo nomber duna gloria, pa motibu di Bo miserikordia, i pa motibu di Bo berdat.

²Pakiko e nashonnan mester puntra: "Unda nan Dios a keda awor?"

³Ma nos Dios ta den e shelunan; E ta hasi tur loke ta agrad'E.

⁴Nan idolonan ta plata i oro, e obra di mannan di hende.

⁵Nan tin boka, ma nan no por papia; nan tin wowo, ma nan no por mira;

⁶nan tin orea, ma nan no por tende; nan tin nanishi, ma nan no por hole;

⁷nan tin man, ma nan no por fula; nan tin pia, ma nan no por kana; nan no por saka zonidu for di nan garganta.

⁸Esnan ku ta traha nan lo bira meskos ku nan, tur esnan ku ta konfia den nan.

⁹O Israel, konfia den SENOR; E ta nan yudansa i nan eskudo.

¹⁰O kas di Aaron, konfia den SENOR; E ta nan yudansa i nan eskudo.

¹¹Boso ku ta teme SENOR, konfia den SENOR; E ta nan yudansa i nan eskudo.

¹²SENOR a korda riba nos; E lo bendishona nos; E lo bendishona e kas di Israel; E lo bendishona e kas di Aaron.

¹³E lo bendishona esnan ku ta teme SENOR, tantu chikitu komo grandi.

¹⁴Ku SENOR hasi boso oumenta mas i mas, boso i boso yunan.

¹⁵Ku boso sea bendishona di SENOR, Esun ku a traha shelu i tera.

¹⁶E shelunan ta e shelunan di SENOR, ma tera El a duna na e yunan di hende.

¹⁷E mortonan no ta alaba SENOR, ni esnan ku ta baha den e luga di silensio;

¹⁸ma nos lo bendishona SENOR for di awor i pa semper. Alaba SENOR!