Read Papantla Totonac Salmonan 116 Bible Online

Salmonan 116 - Papantla Totonac bible

Salmonan 116

¹Mi ta stima SENOR, pasobra E ta tende mi bos i mi suplikanan.

²Pasobra El a inklina Su orea na mi, pesei lo mi sklama na djé tanten ku mi ta biba.

³E kabuyanan di morto a enserami, i e terornan di Seol a bin riba mi; mi a hana angustia i pena.

⁴E ora ei mi a invoka e nomber di SENOR: "O SENOR, mi ta rogaBo, salba mi bida!"

⁵SENOR ta yen di grasia i ta hustu; sf nos Dios ta yen di kompashon.

⁶SENOR ta warda e simpelnan; mi tabata abati, i El a salbami.

⁷Bolbe na bo sosiegu, O mi alma, pasobra SENOR tabata masha bon mes pa bo.

⁸Pasobra Bo a reskata mi alma for di morto, mi wowo for di lagrima, i mi pia for di trompeka.

⁹Lo mi kana dilanti di SENOR den e tera di e bibunan.

¹⁰Mi a kere ora mi a bisa: "Mi ta masha afligf"

¹¹Mi a bisa den mi desesperashon: "Tur hende ta ganado."

¹²Kiko lo mi duna SENOR pa tur Su benefisionan na mi?

¹³Lo mi hisa e kopa di salbashon, i invoka e nomber di SENOR.

¹⁴Lo mi kumpli ku mi promesanan na SENOR den presensia di henter Su pueblo.

¹⁵Presioso den bista di SENOR ta e morto di Su santunan.

¹⁶O SENOR, di berdat, mi ta Bo sirbido, mi ta Bo sirbido, yu homber di Bo sirbiente; Bo a los mi kadenanan.

¹⁷Na Bo lo mi ofrese un sakrifisio di gradisimentu, i invoka e nomber di SENOR.

¹⁸Lo mi kumpli ku mi promesanan na SENOR den presensia di henter Su pueblo,

¹⁹den e plenchinan di e kas di SENOR, meimei di bo, O Jerusalem. Alaba SENOR!