Read Papantla Totonac Salmonan 12 Bible Online

Salmonan 12 - Papantla Totonac bible

Salmonan 12

¹Yuda, SENOR, pasobra no tin hende deboto mas; pasobra e fielnan ta disparse for di meimei di e yunan di hende.

²Nan ta papia mentira ku otro; ku lep ku ta labia i ku kurason dobel nan ta papia.

³Ku SENOR destrui tur lep ku ta labia, i e lenga ku ta gusta gaba,

⁴ku a bisa: "Ku nos lenga nos lo triunfa; nos lepnan ta di nos; ken ta senor riba nos?"

⁵"Pa motibu di e opreshon di e pobernan, pa motibu di e kehamentu di esnan den nesesidat, lo Mi lanta awor," SENOR ta bisa: "Lo Mi pon'e den e siguridat ku e ta anhela na dje."

⁶E palabranan di SENOR ta palabranan puru, manera plata refina den un fornu di klei, purifika shete biaha.

⁷Abo, O SENOR, lo warda nan; Abo lo preserva nan for di e generashon aki pa semper.

⁸Tur kaminda tin malbado ta kana ront, mientras ku entre e yunan di hende maldat ta wordu halsa.