Read Papantla Totonac Salmonan 132 Bible Online

Salmonan 132 - Papantla Totonac bible

Salmonan 132

¹O SENOR, korda riba David, i riba tur su aflikshonnan;

²kon el a hura na SENOR, i a hasi promesa na Esun Poderoso di Jakob:

³"Siguramente lo mi no drenta mi kas, ni subi mi kama;

⁴lo mi no permiti sono na mi wowo, ni madoho na mi klep di wowo,

⁵te ora mi hana un luga pa SENOR, un luga di biba pa Esun Poderoso di Jakob."

⁶Ata, nos a tende di esaki na Efrata; nos a han'e den e kunuku di Jar.

⁷Laga nos drenta den Su luga di biba; laga nos adora na e banki pa Su pianan.

⁸Lanta, O SENOR, drenta e luga di Bo sosiegu, Abo ku e arka di Bo fortalesa.

⁹Laga Bo saserdotenan ta bisti ku hustisia, i laga Bo santunan kanta di alegria.

¹⁰Pa motibu di David, Bo sirbido, no rechasa Bo ungi.

¹¹SENOR a hura un berdat na David, for di kual E lo no hal'atras: "Un di bo desendientenan lo Mi pone riba bo trono.

¹²Si bo yu hombernan warda Mi aliansa, i Mi testimonio ku lo Mi sina nan, nan yu hombernan tambe lo sinta riba bo trono pa semper."

¹³Pasobra SENOR a skohe Sion; El a desea esaki komo Su habitashon.

¹⁴"Esaki ta Mi luga di sosega pa semper; aki lo Mi biba, pasobra esaki Mi a desea.

¹⁵Lo Mi bendishona e provishon di Sion abundantemente; lo Mi satisfase su pobernan ku pan.

¹⁶I tambe lo Mi bisti su saserdotenan ku salbashon, i ku alegria su santunan lo kanta na bos haltu.

¹⁷"Ayanan lo Mi hasi e kachu di David spreit; Mi a prepara un lampi pa Mi ungi.

¹⁸Su enemigunan lo Mi bisti ku berguensa, ma riba su kabes su korona lo resplandese."