Read Papantla Totonac Salmonan 136 Bible Online

Salmonan 136 - Papantla Totonac bible

Salmonan 136

¹Duna gradisimentu na SENOR, pasobra E ta bon, pasobra Su miserikordia ta pa semper.

²Duna gradisimentu na e Dios di diosnan, pasobra Su miserikordia ta pa semper.

³Duna gradisimentu na e Senor di senornan, pasobra Su miserikordia ta pa semper.

⁴Na e Uniko ku ta hasi gran maraviyanan, pasobra Su miserikordia ta pa semper;

⁵na Esun ku a traha e shelunan ku sabiduria, pasobra Su miserikordia ta pa semper;

⁶na Esun ku a ekstende tera riba e awanan, pasobra Su miserikordia ta pa semper;

⁷na Esun ku a traha e lusnan grandi, pasobra Su miserikordia ta pa semper;

⁸solo pa goberna den dia, pasobra Su miserikordia ta pa semper;

⁹luna i strea pa goberna anochi, pasobra Su miserikordia ta pa semper.

¹⁰Na Esun ku a mata e primogenitonan di Egipto, pasobra Su miserikordia ta pa semper;

¹¹i a saka Israel for di meimei di nan, pasobra Su miserikordia ta pa semper;

¹²ku man fuerte i ku brasa ekstendi, pasobra Su miserikordia ta pa semper;

¹³na Esun ku a parti Laman Kora na dos, pasobra Su miserikordia ta pa semper;

¹⁴i a hasi Israel pasa meimei di dje, pasobra Su miserikordia ta pa semper;

¹⁵i El a derota Farao i su ehersito den Laman Kora, pasobra Su miserikordia ta pa semper.

¹⁶Na Esun ku a guia Su pueblo dor di desierto, pasobra Su miserikordia ta pa semper;

¹⁷na Esun ku a derota gran reinan, pasobra Su miserikordia ta pa semper;

¹⁸i a mata reinan poderoso, pasobra Su miserikordia ta pa semper;

¹⁹Sehon, rei di e amoreonan, pasobra Su miserikordia ta pa semper;

²⁰i Og, rei di Basan, pasobra Su miserikordia ta pa semper;

²¹i nan tera El a duna komo un erensia, pasobra Su miserikordia ta pa semper;

²²komo un erensia na Su sirbido Israel, pasobra Su miserikordia ta pa semper.

²³Kende a korda riba nos den nos umiyashon, pasobra Su miserikordia ta pa semper;

²⁴i a reskata nos for di nos atversarionan, pasobra Su miserikordia ta pa semper;

²⁵Kende ta duna kuminda na tur karni, pasobra Su miserikordia ta pa semper.

²⁶Duna gradisimentu na e Dios di shelu, pasobra Su miserikordia ta pa semper.