Read Papantla Totonac Salmonan 137 Bible Online

Salmonan 137 - Papantla Totonac bible

Salmonan 137

¹Banda di e riunan di Babilonia, ayanan nos tabata sinta yora ora nos tabata korda riba Sion.

²Nos a kologa nos arpanan na e palunan di populir, meimei di Babilonia.

³Pasobra ayanan esnan ku a hiba nos komo katibu a eksigi un kantika for di nos, i esnan ku ta tormenta nos a eksigi alegria, bisando: "Kanta pa nos un di e kantikanan di Sion."

⁴Kon nos por kanta e kantika di SENOR na un tera stranhero?

⁵Si mi lubidabo, O Jerusalem, laga mi man drechi tambe lubida su abilidat.

⁶Laga mi lenga pega na mi shel'i boka, si mi no korda riba bo, si mi no konsidera Jerusalem komo mi goso di mas grandi.

⁷Korda, O SENOR, kiko e yunan di Edom a hasi riba e dia di Jerusalem; kon nan a bisa: "Bash'e abou, bash'e abou, te na su fundeshi."

⁸O yu muhe di Babilonia, abo ku a keda desola, bendishona lo ta esun ku pagabo bek ku e mesun pago ku bo a paga nos kune.

⁹Bendishona lo ta esun ku gara bo yu chikitunan i spat nan for di otro kontra baranka.