Read Papantla Totonac Salmonan 138 Bible Online

Salmonan 138 - Papantla Totonac bible

Salmonan 138

¹Lo mi alabaBo ku henter mi kurason; dilanti di e diosnan lo mi kanta alabansa na Bo.

²Lo mi buig den direkshon di Bo tempel santu, i alaba Bo nomber pa Bo miserikordia i Bo berdat, pasobra Bo a engrandese Bo palabra riba henter Bo nomber.

³Riba e dia ku mi a yama, Bo a kontestami; Bo a dunami kurashi, ku fortalesa den mi alma.

⁴Tur e reinan di tera lo dunaBo gradisimentu, O SENOR, ora nan tende e palabranan di Bo boka.

⁵I nan lo kanta di e kamindanan di SENOR, pasobra grandi ta e gloria di SENOR.

⁶Pasobra ounke SENOR ta halsa, tog E ta atende e hende umilde; ma e hende orguyoso E ta konose djaleu.

⁷Maske mi kana meimei di angustia, Abo lo rebibami; lo Bo saka Bo man kontra e furia di mi enemigunan, i Bo man drechi lo salbami.

⁸SENOR lo kumpli ku Su proposito den mi; O SENOR, Bo miserikordia ta eterno; no bandona e obranan di Bo mannan.