Read Papantla Totonac Salmonan 140 Bible Online

Salmonan 140 - Papantla Totonac bible

Salmonan 140

¹Reskatami for di hende malbado, O SENOR; protehami kontra hende violento,

²ku ta plania maldat den nan kurason; kontinuamente nan ta buska guera.

³Nan ta hasi nan lenga mes skerpi ku lenga di kolebra; veneno di vibora ta bou di nan lepnan.

⁴Wardami, O SENOR, for di man di e malbadonan; protehami kontra hende violento ku a plania pa hasi mi pianan trompeka.

⁵E orguyosonan a skonde un trampa pa mi, i kabuyanan; nan a span un reda kantu di kaminda; nan a pone trampa pa mi.

⁶Mi a bisa SENOR: "Abo ta mi Dios; skucha, O SENOR, na e bos di mi suplikanan.

⁷O DIOS e Senor, e fortalesa di mi salbashon, Bo a tapa mi kabes den e dia di bataya.

⁸O SENOR, no kumpli ku e deseonan di e malbado; no laga su plannan malu resulta, pa e no halsa su mes.

⁹"Pa loke ta esnan ku ta rondonami, laga e perversidat di nan mes lepnan tapa nan.

¹⁰Laga karbon send! kai riba nan; laga nan wordu tira den kandela, den burakunan hundu, for di unda nan no por sali mas.

¹¹No laga e kalumniado wordu stablesi na e tera; laga maldat yag riba e hende violento pa derot'e."

¹²Mi sa ku SENOR lo mantene kousa di e hende afligi, i derecho di e pobernan.

¹³Siguramente e hustunan lo duna gradisimentu na Bo nomber; e rektonan lo biba den Bo presensia.