Read Papantla Totonac Salmonan 141 Bible Online

Salmonan 141 - Papantla Totonac bible

Salmonan 141

¹O SENOR, mi ta sklama na Bo; bin lihe serka mi! Skucha mi bos ora mi yama na Bo!

²Laga mi orashon wordu poni Bo dilanti manera sensia; e halsamentu di mi mannan manera e sakrifisio di atardi.

³Pone un guardia na mi boka, O SENOR; tene warda na e porta di mi lepnan.

⁴No inklina mi kurason na ningun kos malu pa praktika obranan di maldat huntu ku hende ku ta hasi inikidat; i no lagami kome di nan delikatesanan.

⁵Laga e hustu kastigami ku amor i reprendemi; esaki ta zeta riba kabes; no laga mi kabes nenga esaki, pasobra ainda mi orashonnan ta kontra nan echonan di maldat.

⁶Nan huesnan a wordu tira abou for di e baranka; i nan ta tende mi palabranan, pasobra nan ta agradabel.

⁷Manera ora un hende ta plug i ta habri e tera, asina nos wesunan a wordu plama na boka di Seol.

⁸Ma mi wowonan ta fiha riba Bo, O DIOS, Senor; den Bo mi ta tuma refugio; no lagami sin defensa.

⁹Wardami di e trampanan ku nan a pone pa mi, i di e lasonan di esnan ku ta hasi inikidat.

¹⁰Laga e malbadonan kai den nan mes redanan, mientras ku ami ta pasa bai trankil asina.