Read Papantla Totonac Salmonan 142 Bible Online

Salmonan 142 - Papantla Totonac bible

Salmonan 142

¹Ku mi bos mi ta sklama na SENOR; ku mi bos mi ta hasi suplika na SENOR.

²Mi ta deshoga mi kurason Su dilanti; mi ta hasi mi angustia konosi Su dilanti.

³Ora mi spiritu tabata desmaya den mi, Abo tabata konose mi bereha. Riba e kaminda ku mi ta kana nan a skonde un trampa pa mi.

⁴Mi ta wak na banda drechi, i mira, no tin ningun hende ku ta preokupa pa mi; no tin refugio pa mi; ni un hende no ta buska mi drechi.

⁵Mi a sklama na Bo, O SENOR; mi a bisa: "Bo ta mi refugio, mi porshon den e tera di e bibunan.

⁶Paga atenshon na mi sklamashon, pasobra mi ta masha abati; librami for di mi persiguidonan, pasobra nan ta muchu fuerte pa mi.

⁷Saka mi alma for di prizon, pa mi por duna gradisimentu na Bo nomber; e hustunan lo rondonami, pasobra Abo lo tratami ku tur bondat."